المكان: الشارع الشرقي
كنا مفتفدين جداً مكان زي ده في المقطم بس زمن المحاولات الفاشلة للعثور علي مطعم بيعمل اكل بيتي حلو زي ده انتهي خلاص ? الاماكن اللي بتبقي واخدة روح اسمها فعلاً قليلة وده عجبنا اوي في المكان..اول ماتدخل من الباب هتحس انك دخلت عالم تاني وكأنك في شارع في المغرب أو شارع شرقي حرفياً علشان الديكور الأرابيسك والألوان الفاتحة والهادية اللي فيه ❤
الأكل كله شرقي وحتي اللي مش شرقي مغيرين فيه بحيث يبقي شبه Theme المكان زي النجريسكو اللي مدخلين فيها خضار وحاجات مخلياها واخدة ليفل تاني في الحلاوة وكانت مميزة أوي بجد ? لاقيناهم بيعملوا نيفة وده مميزهم اوي برضو علشان مش بنلاقيها في اي حتة والطواجن اللي بتتعمل في الفرن الحطب جنبك في الoutdoor area وانت قاعد بتتفرج عليها ومتلهف حوار تاني ? وهتلاقوا وصف اكتر للحاجات اللي جربناها وأسعارها مع الصور..

العنوان: 8 شارع الشهيد محمد أبو شقرة امام نادي مصر للتأمين – متفرع من شارع 9 الرئيسي – المقطم
التليفون: 01008502000