fbpx

رقم و منيو مطعم أرض الحضارة

مطعم أرض الحضارة
مطعم بڤيو تحفة على النيل والاسعار بتبدأ من ٢٠ جنيه واللى مش مصدق المنيو مع الصور
و تقعد تاكل و انت شايف المراكب و اليخوت قصادك في النيل و اشهر فنادق القاهرة قصادك
فكرة مطعم ارض الحضارة انه بيقدم ٣ مطابخ قوية جدا ” يمني، مصري و سوري”
الاكل اليمني زي المندي و المقلقل و الحنيز “الاكل بتاع فيلم اكس لارج”
و المصري بيقدموا فيه المشاوي .. كباب، كفتة، نيفة و طواجن اسعارها تبدأ من ٢٠ جنيه (الاسعار دي في المنيو بجد)
و المطبخ السوري بيقدم بروست و شاورما
ديكورات المطعم شيك و مساحته كبيرة جدا و القاعة الرئيسية مكيفة و كلها عالنيل، و في جزء Outdoor لو بتفضل ال Open air و في غرف خاصة للعائلات بحيث لو اسرة عايزين يقعدوا مع بعض بخصوصية اكتر و في كمان غرف فيها جلسات عربي
تقدر تطلب من المنيو اللي يعجبك سواء اكلات مصرية، يمنية او سورية
مستوى الاكل اكتر من ممتاز بصراحة سواء جودة او كميات، و المندي بيتعمل في فرن تحت الارض فا لما تيجي تمسك حتة لحمة بتلاقيها مستوية و ناعمة زي الزبدة و طعم اللحمة نفسها بيقول إن المرعى ممتازة عشان تطلع بالجمال دا
الفراخ المظبي بتتشوي عالحجر بالطريقة اليمنية الاصلية عشان كدة طول ما انت قاعد في المطعم هتلاقي عرب و يمنين كتير و دي حاجة تطمنك إن الاكل فعلا معمول صح
بعد الاكل بقى لازم تحبس بشاي عدني مع الكنافة السخنة بالكريمة و العسل او فنجان قهوة عربي مع التمر
الخدمة ممتازة، الاسعار مناسبة جدا بالنسبة للجودة و كميات الاكل و عاملين كمان اسانسير لذوي الهمم و كبار السن بحيث محدش يضطر يطلع السلم لو هيكون صعب عليه .. و دي حاجة تحترم جدا

عنوان مطعم أرض الحضارة
شارع عبد العزيز آل سعود، المنيل، أمام مكتب البريد في باركينج عربيات خاص بالمطعم

رقم تليفون دليفري مطعم أرض الحضارة
01000031405

صور و منيو مطعم أرض الحضارة

⬅️ مواقع هامة .. ننصحك بمتابعتها 👍

🍔 منيو مطاعم مصرMenu22.com➡️
📱 اسعار الموبايلاتi2Mob.com➡️
✈️ اماكن وخروجات حوزو7ozo.com➡️
وسم :

اترك تعليقاً

لن يتم نشر عنوان بريدك الإلكتروني.