Arigato Sushi & Grill اوبن بوفيه عظيم وحلويات زى ما انت عايز من سيموندس كمان يعنى على ما تمسك طبقك وتلف لفة على اللحمة والفراخ والجمبرى والسمان هترجع تلاقى على ترابيزتك كباب و كفتة و ممبار و كوبيبة و سمبوسة و طاحن مولوخية ده بجد اكل حتى الاشباع فعلا مش عينات اللي هيلحق يحجز مكان عالفطار .. أكيد هينبسط، هينبسط اوي نركز كدة مع بعض عشان المرة دي هنحكيلكم عن اوبن بوفيه في الزمالك .. الحلويات اللي فيه كلها من سيموندس عميد الحلويات ( يعنى اساسا ال ٢٥٠ دى كلها ممكن تضربها فى الحلو ) و ممكن تطلب سوشي حتى الشبع All you can eat و تاخد من البوفيه كمان سلطة و شوربة و مشروب رمضان ب 250 جنيه، و تطلب السوشي زي ما تحب و هيجيلك كل اللي نفسك فيه طيب واحدة واحدة كدة ? البوفيه المفتوح عبارة عن ايه؟ الاكل كله شرقي oriental بس بيتغير كل يوم في رمضان خلينا نحكيلكم عن بوفيه الافطار اللى حضرناه اول حاجة كانت صنية سي فود بالكريمة اللي بعدها لحمة روز بيف بمشروم صوص اللي بعدها دجاج برياني بالرز محشي كرنب و مرصوص عليه حلقات الرقبة الضاني “نيفة” موزة بلسان عصفور شيش طاووق مسقعة بالبشاميل بطاطس بيوريه “مهروسة” بالكريمة و اللحمة المفرومة سمان بالفريك كل دا في الاوبن بوفيه انا عملت طبق شبه الخريطة، كل حتة فيه فيها حاجة مختلفة، دا غير السلطات اللي انبهرت بيه إن الاكل ((كله)) ممتاز و دي حاجة مش سهلة أبدا إن كل الكمية دي بالتنوع دا يطلعوا كلهم بالجودة .. الشيفات محترفين و عارفين كويس هما بيعملوا أيه، واضح من جودة الاكل إهتمامهم باختيار أفضل الخامات اللي بيشتغلوا بيها عشان يقدموا حاجة Premium الحلو كل الاصناف من سيموندس، كنافة مبرومة بالفسدق (جمالها خيالي) اصلا القطعة الواحدة منهم برة بتتباع تقريبا ب 30 جنيه كنافة بالمانجا، كنافة بابلح “لازم تجربوها” كنافة اساور بالفراولة، قطايف بالكريمة، قطايف بالقشطة، قطايف بالمكسرات، قطايف بالنوتيلا، حلاويات شرقية فاخرة بجد انا كان ممكن اقضي الفطار كله في الحلو بس من جماله بس بردو الاكل الحادق كان ميتسابش تجربة جميلة و بنرشحهالكم بقوة، المكان دا للناس اللي بتحب الاكل المخدوم و بتهتم جدا بالجودو، الاكيلة الذواقة .. اوعدكم انكم هتنبسطوا جدا سعر الفرد في البوفيه 250 و نفس الكلام في السوشي all you can eat “بتختار دا او دا” و السعر بعد الخدمة و الضريبة بيكون 320 جنيه لازم تلحق البوفيه دا في رمضان
رقمهم:01030008377
العنوان: الزمالك، شارع طه حسين بالقرب من سنتر اليمامة