إحنا أصلا ملاناش في الـ s’il vous plaît إحنا بنضرب من علي العربية علي طول المكان اسمه Skalans – سكلانس ** الراعي الرسمي لاكل الشوارع المكان اللي متعود يبهر اكيلة السجق قرر يعملنا سحور مفتكس جدا السنة دي نزل علينا باطباق مختلفة عشان رمضان مخصوص بينزل مع اي اوردر كام طبق كده Free سلطة خضرا و بتنجان و طماطم مبهرة و عيش عشان لما تقعد تتسحر ميبقاش ليك اي حجة تخليك تقوم نخش علي اطباق الفول علي طول جربنا “فول بالسجق الاسكندراني” كان الفول عامل زي الزبدة و فايح منه ريحة السجق اللي هم محترفين في و شدنا بردو طبق “فول بالبسطرمة” و الراجل ده مبيحبش يبخل فتقدر تقول ان ده طبق بسطرمة بالفول و الميزة فعلا ان البسطرمة مكانتش حادقة اوي تجزع طعم الفول ملحها كان مظبوط و للناس اللي ملهاش في السحور الحرش عامل “فول بالحمص و الزتون” كان الحمص في الطبق مظبوط من ناحية الكمية مع كل لقمة عيش تقريبا هتلاقي حمص ولان البيض طبق اساسي علي سفرة السحور المصري فمخليش من الحبشتكنات هو كمان عملنا “بيتزا بيض” دي عبارة عن بيتزا عليها جبنة موزاريلا كان مكس الجبنة الموزاريلا مع البيض لذيذ جدا و افتكسلنا طبق “بيض بالسجق المشوي” و عليه الجبنة السايحة بتاعتهم كان طبق قليل الادب فعلا اطلبه بدري شوية قبل الاذان عشان هتطلب واحد تاني منه و كان عامل “بيض بالسلامي” و ده كان عبارة عن بض مقلي عليه حتت سلامي كبيرة جدا و في بردو بيض عليه Beef Bacon جربوه البطاطس بردو من الحاجات اللي محدش بيستغني عنها في رمضان مخليتش من حبشتكنات سكلانس عملنا “طاجن بطاطس” عليه من فوق 3 انواع جبن شيدر و موزاريلا و كيري هتعد تشد في البطاطس لحد ما تزهق و عنده طعمية طبعا زيت قليتها نضيف جدا و عليها سمسم كتير هتتبسطو بيها ❤ و جنب المدعكة دي عامل شوية جبن خفيفة كده عشان ترحرح علي القلب في عز الصيام و بردو الجبنة مهربتش من اختراعات سكلانس عنده طبق “جبنة ريكفورد: بس دي مش ريكفورد عادية احنا منعرفش هو عامل ايه فيها المهم ان ريحة الريكفورد فيها قوية لكن الملح بتاعها مظبوط غير العادي فدي من الحاجات اللي لازم تتكتب في الليست بتاعتكم و عنده “لبنة تركي” لطيفة و خفيفة كده عليها زعتر و زيتون اتسحرنا خلاص و باقي بتاع ربعاية كده نشرب فيها شاي بقي نحبس بيها عنده “استكانة شاي نعناع” و طبعا المزجاجنجية بس هم اللي هيطلبوها و يعدو يصبو في الشاي و يرغو قبل الاذان
التليفون : 01000784461
العنوان فرع 1 : ٤عمارات الشرق للتأمين امام الحديقة الدولية مدينة نصر
العنوان فرع 2 : ٦شارع البحر مساكن شيراتون امام مركز التنمية