عارفين العيش الكايزر بتاع اعياد الميلاد دة
ويتحط جواه الحشو 😍😍وكل احلى ساندوتشات بتبدأ من 15 جنية
حاجة تديك بهجة
مثلا اللى قدامكم دة بوكس الملوك فيه 9 ساندوتشات لحوم مختلفة من المنيو + بطاطس
محمرة + لتر بيبسي ب 200 جنيه ❤️❤️
المطعم دا عبارة عن محل صغير فاتح في حتة لوحده كدة في مصر الجديدة و عاملين برجولة
جميلة و كاتبين ((ملوك اللحمة)) بالبنط العريض
الناس دي بيعملوا ساندوتشات “لحمة” يعني لحمة محمرة، لحمة بالبصل , فاهيتا لحمة،
كفتة، سجق، كبدة .. اي حاجة فيها لحمة
المنيو السندوتشات فيها بتبدأ من ١٥ جنية ( المنيو مع الصور )
لما جربنا الاكل اتفاجئنا بمستواهم ، ساندوتش اللحمة بالبصل دا حاجة عبقرية و خلطة
السجق ممتازة و ميزة الساندوتشات دي انك تقدر تاكل منها كذا واحد و تجرب اكتر من
طعم
العيش حلو اوى وبيدى بهجة عامل زى العيش بتاع أعياد الميلاد
بيعملوا حاجة اسمها ” فاهيتا الملوك ” بتبقى شريحة لحمة فليه و صدر فرخة مشوي مع
كفتة و سجق و كل دا على بصل مشوي و فلفل الوان، بيتقدم في طاسة زهر اللي بتعمل
تششششش دي و ببقى معاها بولة رز و عيش تورتيلا، ساور كريم .. الطقم دا كله ب 140
جنيه و يكفي فردين
لو ليك مزاج تغمس بقى جرب اطلب “حلة اللحمة” دي طلبناها من كتر اعجابنا بساندوتشات
اللحمة بالبصل عندهم، في شوية تحابيش كدة بيعملوها حلو اوي لازم تطلبوها زي
البتنجان المخلل و الطماطم المخللة .. الحاجة دي بتعمل شغل جامد جنب الاكل
بشكل عام الكميات و الاسعار و القعدة و الخدمة ممتازة .. هما بس كل اللي محتاجينه
انهم يحافظوا على نفس المستوى دا و لو اتعرفوا كويس المطعم دا هيبقى من اقوى
البرندات في مصر 👍
القعدة هناك بالليل عالكراسي الخشب و الاضاءة اللي عاملينها بالليل بتخلي مود
القعدة ميتزهقش منها ابدا، بالعكس الواحد يروح ياكل مع صحابه و يقضي باقي اليوم
عندهم في البرجولة الجميلة دي. و خصوصا انهم بيشغلوا تراكات اغاني حلوة اوي
عنوان مطعم بلدي
21 جلال الدين الدسوقي مع الحرية – الماظة هيليوبلس
رقم تليفون دليفري مطعم بلدي
01101442329
صور و منيو مطعم بلدي
