انا من فترة كنت شفتلهم اعلانات على الفيسبوك و كنت حتى تواصلت معاهم علشان المنيو بتاعتهم و بعتوهالي فعلا (دوول كمان عيدوا عليا في رأس السنة ) و بالنسبة لي شكلها فيه افكار كثير و بصراحه ده مؤخرا بقى يقلقني انك تلاقي منيو فيه برجر و سندوتشات متنوعة و فراخ بروست فمبتعرفش المحل ده متميز في ايه و لو رحت حتطلب ايه ?
الصدفة خلتنا نروحله من كام يوم احنا اساسا رحنا الرحاب علشان حد تاني بس ملقناش قعدة عدله فغيرنا البوصله و كويس قوي اننا عملنا كده
عندهم حوالي اربع ترابيزات في مدخل المحل و مقفليين بمشمع ثقيل و فوقينا متقفل فسترتنا جامد بالاخص انه كان يوم ممطر و كمان دفاية في المنتصف
احنا خطتنا كانت فراخ بروستد و ده اللي طلبناه و هم عندهم الفرخة كاملة “٨ قطع” و معاها عيش و بطاطس و مخلل و ثومية و بواكي كاتشب ب ١٣٠ جنية و كلنا طلبنا نفس الطلب و الاكل حلو جدا الفراخ نظيفة جدا من جوه و التتبيلة لطيفة و مش مقرمشه قوي زي اغلبية المحلات و البطاطس ظريفة و الثومية امتياز
صاصا بقى طلب سندوتش ‘هونجر برجر’ زيادة و ده برجر عليه قطعة جبنة و طماطم و خس و بصل (كلاسيك برجر يعني) و ديه دايما بقت خطتنا في اي محل اول مرة نروحه و عجبه و اصر يذوقني و فعلا كان طلقة فقمت طالب واحد تيك اواي ما انا اصلي كنت هجمت على الفراخ و لحوسه السنين (هم على فكرة عندهم الجوانتيات الشفافة ديه بس اللي عارفني فاهم اني مليش فيها ?)
و انا بطلب البرجر الراجل كان مصر اني اجرب سندوتش برجر من اللي فيه افكار بس انا فضلت عند موقفي و لما روحت اكلناه على مزاج
زومه طلب زيادة سلطة كول سلو و عجبته بس انا مليش فيها خالص
المحل زي ما قلتلكم في السوق الشرقي بس خدوا بالكم لازق فيه محل بروست برضه ? و انا معرفش التاني حلو او ايه ظروفه
حتلاقوا المنيو بالاسعار مع الصور و كنت فهمت ان الشاورما عندهم عالية فممكن تبقى تتجرب و شايف عندهم وجبات
نقطة كمان احب اضيفها ان الاستاف محترم قوي و مع الاوردرات الكثيرة و المطر كانوا منظميين جدا و متعاونيين ع الاخر ?
العنوان : الدليفري :- 01110009835 – 0220296600
الدليفري :- 01110009835 – 0220296600
انا من فترة كنت شفتلهم اعلانات على الفيسبوك و كنت حتى تواصلت معاهم علشان المنيو بتاعتهم و بعتوهالي فعلا (دوول كمان عيدوا عليا في رأس السنة ) و بالنسبة لي شكلها فيه افكار كثير و بصراحه ده مؤخرا بقى يقلقني انك تلاقي منيو فيه برجر و سندوتشات متنوعة و فراخ بروست فمبتعرفش المحل ده متميز في ايه و لو رحت حتطلب ايه ?
الصدفة خلتنا نروحله من كام يوم احنا اساسا رحنا الرحاب علشان حد تاني بس ملقناش قعدة عدله فغيرنا البوصله و كويس قوي اننا عملنا كده
عندهم حوالي اربع ترابيزات في مدخل المحل و مقفليين بمشمع ثقيل و فوقينا متقفل فسترتنا جامد بالاخص انه كان يوم ممطر و كمان دفاية في المنتصف
احنا خطتنا كانت فراخ بروستد و ده اللي طلبناه و هم عندهم الفرخة كاملة “٨ قطع” و معاها عيش و بطاطس و مخلل و ثومية و بواكي كاتشب ب ١٣٠ جنية و كلنا طلبنا نفس الطلب و الاكل حلو جدا الفراخ نظيفة جدا من جوه و التتبيلة لطيفة و مش مقرمشه قوي زي اغلبية المحلات و البطاطس ظريفة و الثومية امتياز
صاصا بقى طلب سندوتش ‘هونجر برجر’ زيادة و ده برجر عليه قطعة جبنة و طماطم و خس و بصل (كلاسيك برجر يعني) و ديه دايما بقت خطتنا في اي محل اول مرة نروحه و عجبه و اصر يذوقني و فعلا كان طلقة فقمت طالب واحد تيك اواي ما انا اصلي كنت هجمت على الفراخ و لحوسه السنين (هم على فكرة عندهم الجوانتيات الشفافة ديه بس اللي عارفني فاهم اني مليش فيها ?)
و انا بطلب البرجر الراجل كان مصر اني اجرب سندوتش برجر من اللي فيه افكار بس انا فضلت عند موقفي و لما روحت اكلناه على مزاج
زومه طلب زيادة سلطة كول سلو و عجبته بس انا مليش فيها خالص
المحل زي ما قلتلكم في السوق الشرقي بس خدوا بالكم لازق فيه محل بروست برضه ? و انا معرفش التاني حلو او ايه ظروفه
حتلاقوا المنيو بالاسعار مع الصور و كنت فهمت ان الشاورما عندهم عالية فممكن تبقى تتجرب و شايف عندهم وجبات
نقطة كمان احب اضيفها ان الاستاف محترم قوي و مع الاوردرات الكثيرة و المطر كانوا منظميين جدا و متعاونيين ع الاخر ?
العنوان : الدليفري :- 01110009835 – 0220296600
الدليفري :- 01110009835 – 0220296600
