منيو مطعم بتاو

منيو مطعم بتاو

لازم طلعة لملوك افتكاسات الأكل الشرقي في رمضان المكان Battaw عارف لما تبقي نفسك تتجمع انت وصحابك علي الفطار وتدبوها أكل بيتي حرش وتقعدوا قعده حلوة بس الكسل مخيم عليكم ومحدش عنده استعداد يقوم بالليلة..المكان ده اللي هيحللكوا حيرة كل سنة وهتروحوا وانتوا متأكدين انكم هتاكلوا اعظم أكل شرقي جربتوه من فترة وبما ان مفيش حاجة بتاخد حقها في رمضان قد الأكل ده بس انت زي أي اكيل متأصل نفسك في تغيير نحب نقوللك انهم كمان خدوا الأكل الحرش بتاعنا لليفل تاني خالص وخلانا نحس اننا بناكله لأول مرة لأن كل طبق فيه تاتش معين بيشقلب كيانه زي الحمام المحشي اللي بيتعمل بزبدة الأعشاب والسجق والكبدة اللي بيعملوهم بدبس الرمان وياسلام علي الدولمة ومحشي البتنجان والفلفل اللي هتحس انهم من ايدين ست الكل من كتر ما النفس البيتي موجود فيه وتقريبا هما برضو اكتر ناس قدرت حبنا للنقنقة وعملولنا تري كامل فيه ٦ انواع سلطات وشكلها لوحده يفتح النفس ده غير ان طريقة تقديم الأكل وشكل الاطباق لوحده كفيل يعيشك تجربة أكل شرقي مختلفة كتير واللي خلي المكان ده مناسب جدا للمة انه كبير وشرح وديكوره سلاطيني علي مودرن شوية فهيعيشك جو رمضان اكتر واكتر وفي عز مانت قاعد متلهف للفطار بتشوف اكلك وهو بيتعمل قدامك في الopen kitchen والسحور عندهم عالم تاني خالص مليان افتكاسات ولو بتدور علي احلي فول مش هتلاقي اجمد من اللي بيعملوه هناك ولو عايزين تعرفوا أكتر عن الحاجات اللي جربناها هتلاقوا وصف ليها مع الصور العنوان: ١٢٠ شارع الميرغني – مصر الجديدة التليفون: 01000660810

وسم :

Leave a Reply

Your email address will not be published. Required fields are marked *