رقم حلويات بي ذا كوك

المكان ده بيعمل تورت 3D بتحكي قصص وتعبر عن شخصية صاحب المناسبه 😍
المكان : Bee the Cook
انت هتروح تحكي قصه المناسبة و مواصفات صاحبها وهما هيعملولك كل الي في بالك والي مش في بالك على تورته 3D فيها ادق التفاصيل ومش محتاج غير انك تحجز التورته قبلها ب ٤٨ ساعه فقط
مبدعين جدا وخبرتهم في المجال ده مدياهم ثقه لدرجه انك لو طلبت تعمل صوره حد مجسم وطلع مش نفس الشكل مش هتحاسب عليه هتلاقوا في الصور أشكال جديده للتورت كل شكل ليه حكايه وقصه و مناسبات مختلفة زي Birthday و Anniversary و Baby Shower و Promotion و Graduation و Engagement وحاجات تانية كتير و كلها افكار جديده جدا 🎈 🥳 المكان قعداته و ديكوراته لطيفه اوي وعندهم منيو تاني بقه فيه برطمنات تشيز كيك عظيمه جدا و مسمينها برطمنات السعاده و ليهم حق في ده وخاصه ابرطمان للوتس حوار يا جماعه بجد 😋 و البلوبيري طعمه قوي جدا وتشوكليت و برطمنات تانيه كتير و بيعملوا طواجن براونيز وتشوكليت كيك تدوب في جمالها الكيك نفسه فريش و الخامات جودتها عاليه و ده ظابط الطعم ع الاخر فانت قهتبقى في حاله من الانشكاح كده مع اول معلقه 😍 والوافل بتاعهم كمان بيعملوه مميز اوي بلون وطعم مختلفين و كرسبي كده و بيتقدم في طاجن مع صوص شوكلاته يا نهار ابيض 😋💔 وفي مشروبات سخنه قهوه ولاتيه و كابتشينو والكلام الجميل ده الي يظبط مزاجك صح , و هما بيفتحوا من ٨ الصبح فممكن تعدي تاخد القهوة بتاعتك مع برطمانك اللذيذ وتبتدوا يومكم من هناك 📷😍 و اسعارهم جميله و عاملين حركه ظريفه اوي على كل ترابيزه في Rubik’s Cube لو حلتوه في 3 دقايق هتاخدوا خصم 50 % على المنيو 🤩
و بيعملوا عندهم اعياد ميلاد حلوه اوي و بيظبطوا كل حاجه من الالف للياء فهتلاقوا باكدجات شامله التورته ال 3D و ميني ساندويتشات و ميني بيتزا و cup cakes و سوفت درينك و كل حاجه و لو العدد 15 بيبقى فيه فري فوتو سيشن كمان يعني متشيلش هم حاجه خالص 🤩💃

العنوان: ٢٩ شارع عبدالله بن طاهر متفرع من مكرم عبيد خلف صيدلية افريقيا

التيلفون : 01001445502 أو 01004186003

وسم : /

اترك تعليقاً

لن يتم نشر عنوان بريدك الإلكتروني.