المكان ده مش بس بينزللك jar جبنة سايحة مع الاكل لا دول كمان عملولنا jar شوكولاتة سايحة علشان يزودوا معدل الجريمة ? المكان Bites Burger لو انت كييف برجر زينا وبتدور دايما علي اختراعات جديدة فيه وافتكاسات جذرية مش اللي هي كام topping وخلاص يبقي المكان ده وش ليك.. احنا ممكن ندخل علي التقيل علي طول ونقولك انهم اول ما بدأوا يفتكسوا قرروا يحطوا البلو تشيز مع مربي توت مع بيف برجر في نفس ذات الساندوتش وguess what؟ الطعم طلع حوار وفيه harmony فظيعة بين كل المكونات ولو انت اكيل فعلا لازم تطلع طلعة مخصوص للساندوتش ده لوحده ? اكتشفنا كمان انهم بيحطوا وافل جوا الساندوتش نفسه وجربناه في ساندوتش اسمه Clash ده ليفل الوحش عندهم علشان بيكون بيف برجر مع فرايد تشيكن مع وافل فرايز وجبنة وصوصات كتير بقي ? عندهم الcheese jar ده ممكن تطلبه مع اي حاجه علشان تلغوص بيه براحتك بس اللي اتكيفنا بيه اوي كان الchocolate jar علشان مش كل الاماكن بتنزللك الكمية الرهيبة دي من التشوكلت مع الوافلز علشان تغرق بيها الدنيا او تشربها ايهما اقرب ? احنا كتبنالكوا وصف كل حاجه جربناها مع الصور وهتلاقوا المنيو تحت وبالمناسبة اسعارهم معقولة والاحجام عندهم كبيرة فهتدبها كويس ومعندهمش service ولا ضريبة فروح وانت متطمن

العنوان: ٣٣ شارع ابراهيم نوار – متفرع من احمد فخري – مدينة نصر

التليفون:01003363339