رقم مطعم كبابجى البيبانى

رقم مطعم كبابجى البيبانى

كبابجى البيبانى – استكمالا لطالعات استكشاف الفرخة الحلوة البيباني ده حب من اول فرخة بدأ من كذا سنة وكل مرة بروح بجرب حاجة جديدة كان معايا مستجدة اول مرة تجربه فجبنا من كل فيلم اغنية بيعملوا نص فرخة بتلف فى الشواية و محشية رز مبهر… الفراخ نفسها طرية ومتتبلة حلو ولحمها نضيف وطعمه حلو…الرز اللي محشية بيه للاسف اخر كام مرة مكانش زي زمان… مش مستوي حلو وناشف جدا ومملح زيادة ماعجبناش للاسف مع انه زمان كان بيبقى مستوي و شارب من طعم الفراخ ومتبهر مظبوط… لكن الفراخ نفسها هايلة وجلدها مقرمش اللي عجبنى جدا جدا واول مرة اجربه “البروستد” وواضح ان ناس كتير بتروحله مخصوص من اللي شفته جنبنا كله طالب وجبات كبيرة … القطع كبيرة و متتبلة حلو من جوة و برة وحراقة شوية بس ظريفة ومن جوة لحمها ابييض ونضيف ومافيش اي زفارة و حجم القطعة كبير جدا … جبنا وجبة قطعتين بالبطاطس و العيش الملوخية ماعجبتنيش بس عجبت اللي معايا… الكفتة كانت ظريفة اوي… اللي كان خطير بجد الرقاق باللحمة المفرومة – جلاش بالاصح – وطلبنا منه تاني من حلاوته السلطات مش بطالة بس الطحينة عايزة تتظبط عشان تليق على حلاوة السلطة الخضرا ام بصل حامي وشبت الخدمة هايلة و مهتمين بكل حاجة و اللي هتطلبه هيجيلك وهيتظبطلك خصوصا الاستاذ الفاضل “نبيل سعد” اللي كان مدلعنا اخر دلع و كتب اسم البطاية الرفيقة على الطحينة بالكاتشب و حاجة اخر الاجة 😀 القاعدة شعبية ظريفة ونضيفة وفى قاعدات برة و جوة بس القاعدة برة احلى و اليق عالجو ده الاسعار عالكميات خرافية احنا زي ما شفتم كنا جايبين حاجات كتيرة اوي كل ده بـ145 جنيه … المنيو عموما كبير و عندهم حاجات كتيرة جدا و كل مرة بكتشف حاجة و هتلاقوه على صفحتهم البيباني اخر شارع 9 المقطم فى الزلزال و لهم فرع فى حدايق القبة بس عمري ماجربته

العنوان: شارع 9 ، بلوك النقطة القديمة
01113494866

العنوان: 29 امتداد ش ولى العهد حدائق القبة, القاهرة بجوار مسجد الشيخ غراب
01155579901

وسم : /

Leave a Reply

Your email address will not be published. Required fields are marked *