هَوَسنا بتجربة أكلات جديدة ومطابخ عالمية متنوّعة بعتنا المرة دي لحد فنلندا،
زي ما بنقول لكم كده.
إنسايد النهارده زارت Blackhärkä وده مطعم بدأ 2009 في فنلندا، ودخل مصر من شهر
تقريبًا، فقلنا ناخد المبادرة ونجمّد قلوبنا وقلوبكم وندوق♥️Blackhärkä
المطعم بيعمل لحوم وبرجر وفراخ، كلها مدخّنة في مكنة تدخين موجودة عنده (صارف
ومكلّف) وبيستخدم في العملية دي خشب شجر “البووه” اللي بيستوردها من فنلندا، تفاصيل
تخلّيك عايز تشوف إيه الكلام في الطعم بقى.
بدأنا طلباتنا بـ”بريسكتس”، شرايح لحمة بقري مُدخنة بتتقدم مع عيش تورتيلا، لأ كانت
لحمة نضيفة ونكهة مميّزة، والطعم Juicy وغني، جربنا بعدها برجر فراخ، وده ساندوتش
بسيط ومعليهوش إضافات كتير بس طعمه قوي جدًا، أما البيف برجر بقى فكان ظريف جدًا
بخلطة بهارات فنلندية مطرقعة كده، نقدر نقول إن نسبة كبيرة من تميّز طعم كل الأصناف
دي جاي من التدخين والنكهة المُغرية اللي بيعملها🤤
تجرتنا كانت غير تقليدية وطعم الأكل كان جديد ويمكن محتاج يتجرّب تاني عشان نفهمه
وننبسط بيه أكتر، بس نقدر ننصح اللي حابب يجدّد ويغيّر إنه يدوق الأكل الفنلندي في
Blackhärkä لأنه مغامرة فريدة من نوعها وتستحق تتخاض😍
79 ميدان الحمد_التجمع الخامس.
رقم تليفون دليفري مطعم بلاك هاركا
02 26170170
صور و منيو مطعم بلاك هاركا
