Caviar BAR
ساندوتشات رنجة بالبصل ? ?
أخيرا حد فكرة فى الفكرة دى و عملنا سندوتشات الرنجه بشياكة وكمان بأطعمة حلوة اوى اوى مختلفة وهنقولكم بيعمل أيه بالظبط
بس بصراحة هى كانت صدمة لينا لما حد بعتلنا وقالنا أن الرنجة جالها يوم و بقت بتتعامل معاملة ولاد الناس ? ? ? وكمان بالأخص فى المول ده و القعدة اشيك دى ..يعنى الأهم ان اليوم من اوله لاخرة هيبقى خروجة حلوة اوى
طيب الناس دى عملت أيه ؟؟ هتلاقى عندهم الرنجة أسبريد يعنى معجون تتحط فى الساندوتش وعليها شرايح البصل .. وكمان الرنجة العادية القطع موجودة عندهم ..
الحلو بقى أنك هتلاقى رنجة بالتفاح الأخضر.. رنجة بالجرجير .. رنجة بالجبنة .. وكمان فى سندوتشات بتبقى سخنة بعد ما تحط الرنجة تاخدلها تحميصة فى التوستر كدة تطلع وهمية ..
بصراحة أختراع مبهج اوى اوى .. ان الواحد ياكل الرنجة TO GO كدة ( طبعا متعة التغميس دى متعه تانية خالص) بس ساعات الواحد كتير بيكسل يعمل الطلعة دى ..وكمان طبعا عندهم سلطة رنجة اللى يحب يجرب
وعلى فكرة المكان أسمة كافيار فعندهم كافيار هتلاقوه فى السلاطة وفى الساندوتشات ده غير طبعا سندوتشات السالمون الفريش ( عشاق السالمون بس هيعرفوا أد ايه هو طازة )

العنوان: بارك مول – بورتو نيو كايرو امام الجامعة الامريكية – التجمع الخامس ( وانتم رايحين خدوا معاكم حاجة تقيلة لان الجو سقعه حبتين هناك )

التليفون :01220147000