Taboula – Zamalek
تجهز نفسك يوم أنك تفطر فى أشيك منطقة فى مصر (( الزمالك )) و ب 50 جنيه بالخدمة و الضريبة و كل حاجة ?
ومش بس كدة فى مكان يعتبر علامة من علامات الزمالك كلها
الصبح المكان دا بيبقى خيالي .. نور الشمس داخل من الازاز مالي المكان كله، مفيش غير صوت صباح و فيروز مع المزيكا الهادية ..
الترويقة اللبناني
عبارة عن منقوشة زعتر بزيت الزيتون “كبيرة” مع صحن تبولة محترم “بيعملوها ممتازة” متوصيين بيها خصوصاً إن المكان اسمه تبولة ? بيتقدم معاهم طبق فيه واحدة سمبوسة لحمة، سبانخ و شريحة جبنة حلوم مشوية ? فطار شيك و خفيف
و الفطار المصري طبق فول بالليمون و زيت الزيتون مع طبق طعمية بالحمص و طبق طحينة وطبق بيض بالطريقة اللى تختارها و سبت عيش “طازة” بيتخبز عندهم في الفرن و يتقدملك على طول وهو لسة ملهلب ?
اي فطار من دول ب 50 جنيه بالخدمة و الضريبة كل حاجة حواليك بسيطة و شيك، و مش معنى إن المكان راقي إن اسعاره تكون غالية، بالعكس إنت لو حسبتها هتلاقي إن دا اقل سعر للفطار في الاماكن اللي بنفس مستوى الشياكة
الفترة دي كمان عاملين عرض على كل أنواع الفتة (واحدة و عليها واحدة ببلاش) ??
تبولة من اشهر مطاعم الزمالك و ياما استقبل فنانين ممثلين و مطربين و سفراء كتير خصوصاً عشان مكانهم في الزمالك وسط كل السفارات
كنت دايما بعدي من قصاده من زمان و يلفت انتباهي النجفة خصوصاً بالليل، شكلها مميز جداً و تحس إنها روح المكان، تدخل المكان تسمع صوت عود فريد الاطرش و صوته و هو بيغني قلبي و مفتاحه وسط هدووووء يا دوب ممكن تسمع صوت حركة الخطوات عالسلم الخشب
مهما تقعد في المكان متزهقش من القعدة ولا تحس بالوقت، بالعكس انت كل شوية هتلاقي ركن ممكن تتصور فيه صورة حلوة
المواعيد
من الساعة 10:30 الصبح

العنوان:
الزمالك، 14 شارع المرعشلي، بجوار الكنيسة

رقمهم:0227370674