fbpx

رقم مطعم تشيكن شوتر

تحت شعار للكبار فقط ..
المنافسة في الفرايد تشكن بقت شرسة في اسكندرية ?
المكان : Chicken Chester
روح و انت جعان اوي عشان المطعم ده بيدعم و بكل قوة الاحجام الكبيرة و الضخمة ?
عنده ساندوتشات ال Tower بتوصل انها تكون ٣ ساندوتشات فوق بعضها ?
ده غير ساندوتش الفرايدتشكن العملاق لتورتة العيد ميلاد طبعا ?
ده غير الساندوتشات اللي حجمها بيساوي حجم ساندوتشين من العادي و سعرها لطيف يعني يعني Classic Double ب ٧٠ جنيه مثلا و ال Single ب ٣٩ جنيه ?
ال Tower بقي اللي هو ٣ ساندوتشات فوق بعض ب ١٠٠ جنيه ?
نقولكم علي خدعة سحرية بقي ? انتو لو ٣ بدال ما تجيبو ٣ ساندوتشات هاتو واحد بس Tower و كلوه انتو التلاتة ? لانه فعلا ٣ ساندوتشات فوق بعض و فرق السعر انتو اولي بيه ? لان كل ما الساندوتش بيزيد كل ما سعره بيقل بدال ما تطلبو ٣ ساندوتشات منفصلين ⁦❤️⁩
مش بس كده لا ده بيحشيهم حلو اوي و بيتوصي في الجبن السايحة اوي ?
بص انت خد بالك من كرشك عشان هيضرب عنده خصوصا لو بتحب ال Fried Chicken بزيادة لانك مش هوحس بنفسك و انت بتاكل من فرط لذة و قرمشة الفراخ انت هتحس بمتعة لطيفة اوي و انت بتقطم حتة الفراخ فتحس بقرمشة البريدنج من بره و بعد كده تحس بالفراخ Juicy و طعم التتبيلة يبان اوي في بوقك ? غير كده بقي الجبن عنده ليها طعم حلو اوي و مظبوط مع الفراخ عامل بردو Stick فراخ لذيذة و بيغرقها صوصات مختلفة باربكيو و رانش و جبنة حاجة كده نقنقة و تسخين قبل الاكل و عنده Chicken Wings كتير بقي و بصوصات مختلفة كتير ? و بخصوص جمال الجبنة عنده هو عامل كمان شيدر ستيكس لطيفة اوي ?
زود عنده ساندوتشات Beef Burger مؤخرا جربوها لانها في الكوالتي من وجهة نظرنا مختلفتش خالص عن كوالتي الفراخ و ده شئ عظيم اوي و بردو نرجع نقولكم الجبن هتجننكم ?
هو عموما عنده الساندوتشات فيها اختلافات كتير طعم كل ساندوتش مختلف عن غيره بسبب انه بيغير المكونات تماما هتلاقي ساندوتشات عليها جبن و هتلاقي ساندوتشات عليها Beacon و هتلاقي ساندوتشات الصوصات اللي عليها هي سرها ? سواء كانت Beef او Chicken ?
تجربتنا خلتنا مزقطتين انهارده من حلاوة القرمشة ?

العنوان: سيدي جابر .. مول سيتي سكوير .. بوابة رقم 3

التليفون للدليفري: 035235249

وسم : /

اترك تعليقاً

لن يتم نشر عنوان بريدك الإلكتروني.