منيو مطعم تشرجر

منيو مطعم تشرجر

الناس دي رجعت للبرجر حقه المهدور و عاملينه حاجه ملوكي
المكان : Chirger
تخيل قدامك ساندويش برجر معمول على اصوله من اول quality اللحمه اللي بجد روعه للفحم اللي بيتعمل عليه و دا حوار تاني للصوصات للافتكاسات و الاختراعات لكل تفاصيله اخدوه لحته تانية خالص حاجه كده محترمة بجد و مخدومة على حق ?

المكان شكله حلو الديكور بتاعه لذيذ جدا و playlist لطيفه و عندهم صورة لواحد كبيرة كده قلنا نسأل مين دا طلع مخترع اهم اختراعات الاكل ال burger ? و ال staff ذوق جدا يعني بجد هتعيش مود مختلف تماما و بستخدموا في التسويه فحم ابيض ” lava charcoal” و ده نضيف جدا و بيدي الاكل taste مختلف تماما حتي ال chicken sandwiches عندهم نضيفه جدا و طعمها مميز اوي و كمان اسعارهم حلوة جدا بالنسبة لكمية الاكل و الجودة بتاعته

نيجي بقى للي جربناه ال hurricane ده برجر مشوي مع صوص ال 1000 جزيرة عليه التركي المدخن وصوص الباربيكيو و عاملين في الساندويتش بركان مليان fries و بننزل عليه بجار جبنه سخن و دا شكله و ريحته من قبل ما تدوقه يشرح القلب اما طعمه تحفه بجد و ال chirger بيكون برجر مع صدور Fried chicken المكس بينهم عظيم بصوص تشرجر و الجبنه الشيدر وحلقات البصل المقلية غرقانه في صوص الباربيكيو اما بقى ال jungle style و ده برجر مع صوص تشرجر و ناتشوز مع الجبنة الشيدر والسلامي المدخن غرقانين في صوص ال monkey gland ده بقى صوص من جنوب إفرقيا و اسمه صوص غدة القرد بس متقلقوش ملوش علاقة بالقرود و طعمه مميز جدا و واخد الساندويتش ل level تاني خالص مع الباربيكيو و الهالابينو حواار بجد

و ال cheese bomb برجر محشي جبنه شيدر مع صوص تشرجر و مغرقينه بصوص الجبنة و ال hat trick ده بقى عملاق بجد بيكون ثلاث طبقات من برجر مع صوص ال 1000 جزيرة مع الجبنة الشيدر و عليه صوص الجبنة والباربيكيو و كمان ال gold sticks و ده طعمه مدوقناش زيه قبل كده بيكون صدور الدجاج المتبلة المشوية مع الجرجير وصوص البيستو و الجبنه الشيدر والتركي المدخن و عليهم ال mozzarella sticks

و كمان ال blaze dog وده بيكون عبارة عن هوت دوج مع الجبنه الشيدر عليه صوص الجبنة و ميكس من صوص الماسترد مع الكاتشب والهالابينو و ال chicken pop corn ده خبز التورتيلا مقلي مع قطع fried chicken نازلين عليه بصوص الجبنه السخن و البيف

العنوان :261 شارع شبرا الخلفاوي -القاهرة (بجوار فودافون)

دليفري:01211110543

وسم :

Leave a Reply

Your email address will not be published. Required fields are marked *