احنا بنعتذر لأي حد بيحب الرز باللبن الاصيل بتاعنا بس لازم نقولكم ان الاختراع ده طلع أجمد منه بكتير ? المكان Cream ‘n Rice الرز باللبن ده من المسلمات عند الاكيلة واللي يغلط فيه بيتعور وكان بقالنا فترة بنسمع ان المكان ده شقلب كيان الرز باللبن الشهير بتاعنا وخده لليفل تاني في الحلاوة فكنا متحمسين نشوف الكلام ده بجد واذا كان في حد قدر يعلي عليه فعلا ولا اي كلام..ولما روحنا وجربنا بنفسنا عرفنا ان الاختراع ده يستاهل الضجة اللي حصلت عليه وانه مكانش واخد حقه كمان فقررنا ننقلكم التجربة العظيمة دي ونديله حقه ? الاختراع ده اسمه rice pudding وصحاب الفكرة واللي طلعوا حاجة بالعظمة دي شباب مصري ? الرايس بودنج هو حاجة كريمي جدا وسميك وغني بمعني ان تحسه مخدوم كويس علشان يوصل للسمك والتقل ده وفي نفس الوقت مكنش تقيل خالص علي كروشنا فممكن تضرب منه ٤،٣ من غير ما تحس ? الموضوع موقفش لحد هنا وعملوه بflavors كتير فلك ان تتخيل انك بتاكل رز باللبن بالتشيز كيك مثلا او الكراميل او التشوكلت او البلوبيري او المستكة او بالتيراميسو او بالقرفة والليمون ده غير انك ممكن تزود عليه اي toppings و sauces ممكن تتخيلها فالموضوع هناك كبير اوي سعادتك ? وعلشان تبقي جريمة كاملة لازم تجرب الsmoothies بتاعتهم علشان بيعملوها عظيمة جدا برضو وباحجام عملاقة ? ولو انت تحمست نفس حماسنا بس عندك حد فصيل في شلتك ممكن ميحبش الكلام ده هتلاقي كمان ايس كريم وmilk shakes وcoffe وشاي وعندهم كمان جزء bakery فعاملين حساب كل حاجة وبيعملوا كل حاجة حلو جدا ? احلي ما في الموضوع ان اسعارهم معقولة جدا وده هيخليك تقدر تجرب انواع كتير وتضيف اي toppings وصوصات نفسك فيها وتلغوص براحتك ?

العنوان: ٤٩ شارع ٩ – المعادي – قدام mcdonald’s

التليفون: 01204440745