fbpx

منيو مطعم دومكورت

DOM COURT
فراخ مشوية على حطب الموالح!!??
الفرخة اللي حاطة رجل على رجل دي من حقها تدلع كدة بعد ما قعدت تتشقلب و هي متكتفة عالسيخ لمدة ساعتين على نار الحطب ?
الطريقة دي بتخلي طعم الفراخ مدخن او Smokey زي طعم البيبروني كدة، و طبعا مدة التسوية دي بتخلي لحم الفراخ انعم من الزبدة، الميزة كمان في الشوي بالطريقة دي إنها صحية و تقريبا كل الدهون اللي في الفرخة بتكون ساحت و راحت مطرح ما رحت ?
اول من اول ما دخلت المطعم ريحة الفراخ شدتني اوي و منظر الفراخ و تحتها الحطب و النار طالعة منه تحس كدة انه مشهد سينمائي لايق على الاجواء الشتوية بتاعت اليومين دول
بيقدموا الفراخ دي مع رز ، عيش، صوص سبايسي و تومية، و بالمناسبة بيستخدموا توم فريش .. الناس اللي بتحب طعم التوم هينبسطوا اوي اوي من التومية دي
النص فرخة ب 68 جنيه .. و بصراحة تستاهل تمنها لان فعلا طعمها مختلف جدا عن الفراخ العادية، دا غير انها تعتبر وجبة كاملة و Packing الاوردر شكله شيك اوي، حتى نوع المعالق اللي بيطلع مع الدليڤري خامته محترمة و مبتتكسرش ?
و بيعملوا وجبات تانية زي وجبة الشيش طاووق و الزنجر، مناسبين لو عايز تطلب حاجة سريعة تاكلها و انت في الشغل، و الميزة كمان إن العلب اللي بيتقدم فيها الاكل بتدخل المايكرويڤ، بحيث لو حبيت تسخن الاكل في اي وقت الموضوع يبقى سهل
جربت كمان ساندوتش الكوردن بلو و الزنجر .. الاتنين احلى من بعض و طعم طبقة Breading في كل ساندوتش منهم مختلفة عن التاني، و حتى صوص الجبنة هما اللي بيعملوه و طعمه مميز جدا، خدت بالي إن فيه اعشاب في صوص الجبنة غالبا هي سر الطعم المميز دا
عندهم مجموعة مقبلات حلوة اوي زي السمبوسة و الكوبيبة، و الكول سلو باين اوي من طعمها و قرمشتها إنها فريش و الدريسينج بتاعها حلو اوي
ديكور المطعم معتمد على استخدام الطوب مع الخشب زي البيوت الاوروبية، و عموما انا من اول ما دخلت مكنتش بتفرج على حاجة غير الشواية .. اللي هو يا ترى هاكل انهي فرخة فيكم ??
ننصحكم جدا تجربوا الفراخ الشواية “دا اول اختيار بنرشحه” لان فعلا طعمها مميز جدا و جديد بس اكيد هيعحبك
حتى لما كنت بطلب منه في الشغل و زمايلي جربوا طعم الفراخ و شافوا التغليف الشيك، الاقيهم كلهم بيسألوا منين دا؟ بكام؟ رقمهم كام؟ دا حلو اوي ?

العنوان 34 شارع البحر الاعظم، كورنيش النيل، الجيزة

رقمهم 16552

خروجات حوزو
وسم :

اترك تعليقاً

لن يتم نشر عنوان بريدك الإلكتروني.