منيو » منيو سلسلة مطاعم البرج للمآكولات البحرية

لازم تكون غني عشان تاكل اكلة سمك حلوة ؟ ( صح أم خطأ )
الريفيو ده عن مطعم يعتبر من أكبر مطاعم السمك في مصر عامل عروض حلوة جدا الفتره دي : ب٤٥ جنيه بس هتاكلوا سمكة بلطي ورز وسلطة وكبيبة جمبري وسمبوسة ورز وعيش
المكان سلسلة مطاعم البرج للمآكولات البحرية – زيارتكم تسعدنا شعارهم ” احنا اللي عملنالك البحر شوربه ”
متخيل ان ميكونش معاك غير ٤٥ جنيه في جيبك بس برضو تقدر تروح تضرب وجبة سي فوود معتبرة في مطعم كبير زي ده؛ المكان عامل وجبات سعرها حلو اوي اول وجبة بتكون عبارة عن سمكة بلطي وكبيبة جمبري وسمبوسة ورز وسلطة وعيش ب٤٥ جنيه بس وسعرها في الtakeaway او الdelivery ٤٠ جنيه ووجبة البوري مع ٢ عود جمبري وسيبيا وملوخية ورز وكوبيبة و٢ سلطة وعيش ب١٧٥ جنيه وعاملين عليها اوفر في الدليفري فهتبقي ب١٢٥ جنيه بس
ورقة وقلم واكتبوا معانا علشان المكان ده عامل عروض للركب حرفياً أول عرض عاملينه بمناسبة عيد الأم فأي أم هتروح طول شهر مارس ليها وجبة سمكة بلطي او بوري ببلاش، الوجبة بتكون عبارة عن سمكة بوري او بلطي مع رز وسلطة وعيش ومياه وكانز، العرض موجود طول اليوم في مارس وابريل ومايو من من ١٠ ل١ بليل بس لازم يكون معاها فردين علي الاقل
وأي أم عيد ميلادها نفس يوم عيد الأم كل الشوربة والسلطات والرز والملوخية والسمبوسك والميا والكانز بتبقي ببلاش لكل الترابيزة، فهنا بقي مش هتدفعوا غير السمك وبس
تاني عرض بقي ان كل السلطات والملوخية والكبيبة والسمبوسك ببلاش يعني مش بتدفعوا غير الشوربة والاطباق الرئيسية بس فانتوا هتاكلوا وتدبوها وهتوفروا كتير، جودة الاكل عندهم والطعم حلو جداً وكل حاجة بيجيبوها فريش من بورسعيد وهما معروفين اوي بالفرع بتاعهم اللي هناك اللي بقاله اكتر من ٣٥ سنة فانت هتبقي رايح واثق انك هتاكل اكلة سي فوود معتبرة، كل حاجة مخدومة ومتكلفة وعندهم variety كبيرة في المنيو فهتلاقوا كل انواع السمك تقريباً وهتلاقوا برضو سلمون وكابوريا بيعملوها بأكتر من طريقة واختراعات كتير معملوة من الجمبري وبلح بحر وبكلويز واي حاجة بتطلع من البحر تخطر علي بالكم ولو ملكوش في السي فوود هتلاقوا منيو كبيرة للمشاوي وبيعملوها زي اجدعها كبابجي وكل حاجة بتيجي من مزارعهم فكانت عظيمة اوي برضو

العنوان: ٢ شارع عبد الله العربي – شارع الطيران – مدينة نصر
التليفون: 01283500002
فرع التجمع: مول القطامية بلازا – مجمع البنوك
التليفون: 01284040720

افتح منيو المنيو منيو سلسلة مطاعم البرج للمآكولات البحرية | منيو مطاعم توصيل الطلبات - اطلب رقم المطعم Menu Restaurant
Advertisements

Leave a Reply