fbpx

رقم مطعم المندرة

الأكل الفلاحي وصل التجمع ???? هتقعد ع الطبلية و تاكل الفطير المشلتت وتلبس اللبس الفلاحي و تتصور مع الساقية و الأطفال هيلعبوا ف الkids area بس متخليش كل ده ينسيك تطلب البط البلدي المحمر و زلعة المندرة و الأرز باللبن بالعسل و المكسرات ?? المكان: El Mandara مكان متخصص ف الأكل الفلاحي واخد الديكور كله من الريف اول ما تدخل بتعدي على ممر زارعين فيه أشجار و أول حاجة بتقابلها هي الساقية اللي عاملينها من الخشب و الفخار و جنبها اللبس الفلاحي اذا حبيتم تتصوروا بيه بتختار قعدتك المفضلة سواء كراسي او كنب او ع الطبلية و كلهم استايلهم حلو جدا و يحسسك فعلا انك ف الريف و لما تستكنيص هتبتدي تركز مع الأغاني القديمة اللي على طول مشغلينها و المكان كله فيه مقتنيات من الريف قلل و تليفون من القديم و راديو عتيق و سبت و الظريف انهم عاملين عبوة الفلفل و الملح علي شكل قلة و بلاص?? و سلة المهملات علي شكل زير ?? الأكل كله بيتعمل قدامك لو عايز تتفرج علي طقم الشيفات المحترم اللي شغالين سواء ع الجريل او الفرن او المشويات ?? الفطير هناك عالمي و طبعا كل متطلباته موجودة من عسل أبيض و عسل أسود و جبن قديم ? جربنا عندهم كذا حاجة أهمها البط البلدي المحمر و الرقاق باللحم المفروم و طبق المحشي المشكل مع الممبار ? بالنسبة للمشويات جربنا الكباب و الكفتة و الطرب و الملوخية و الصور هنا هي اللي بتتكلم يا جماعة ??? فتة الموزة محترمة جدا و الكوارع هناك مخلية و متشفية و مالية طبق الشوربة و كمان بيعملوا بيها ورق عنب بالكوارع لو عايز ??? نيجي بقى للاختراع الناس دي عاملة زلعة و ماليينها من خيرات ربنا كفتة و كبدة و موزاريلا و باستا ريد صوص و قافلينها بعجين من فوق تشيله و تدلق الزلعة و تتعامل ???? طبعا احنا عملنا record في كمية السعرات الحرارية حتي الآن و قررنا ندخل موسوعة جينيس مع كنافة الكريمة و أرز باللبن مع المكسرات و العسل اللي كان أقل ما يذكر عنه انه عظيم??? ??ملحوظة أخيرة: بيعملوا الشاي و القهوة ع الفحم ??الkids area فيها ألعاب و بلالين و رسومات للتلوين

العنوان :سيلفر ستار مول ٢ – محور محمد نجيب – التجمع الاول – نفس صف ووترواى عند منزل كوبرى الرحاب

التليفون:01005155623 – 0225303237

وسم :

اترك تعليقاً

لن يتم نشر عنوان بريدك الإلكتروني.