بندور علي خروجه حلوه في راس السنه و عرفنا ان مطعم التكعيبه جايب تخت شرقي و مطرب من الساعه ٩ لحد ١ بليل و مكسر الدنيا ? بس احنا اللي يهمنا اكتر من الخروجه الاكل يكون كمام حلو ? التكعيبه مشهور بالاكل الشرقي و المشاوي ? مش اول مره نروحه و عارفين مستواه و حلاوه اكله ، الاول بدانا من المقبلات بممبار و ورق عنب نقنقه لحد ما التقيل ينزل ? الممبار متحبش كويس و مقرمش و حراق سنه و ورق العنب جبنا جمبه سلطه زبادي كان تحفه و بعد كده بدأنا بالشركسيه المشهور بيها ? فراخ بالصوص و توابل و عين جمل و رز ابيض ، طعم التوابل حلو اوي و الفراخ مستويه حلو و فته الموزه كانت حلوه اوي و متسبكه صح و ريحه التوم و هي داخله عليك تجنن و طعم الموزه الضاني حلو جدا بتتفصص في ايدك و مينفعش منجبش حمام مشوي ? جبنا واحده فريك و واحده رز الاتنين احلي من بعض ، قليل اوي اللي بيعملوا بالفريك بس بتبقي اطعم بكتير الفريك كان مستوي كويس والحمامه كلها مقرمشه سنه من الشوي و من جوه طريه و جبنا مشاوي مشكل بتنزل علي الشوايه و الدخان بتشمه من اخر الدنيا ? الكفته كانت متبله حلو و الكباب كان juicy اوي و الريش كانت بتدوب في البق من كتر ماهي مستويه ?

العنوان : دولفين مول قدام نادي اكتوبر ، محور ٢٦ يوليو – ٦ اكتوبر

التيليفون : 01063091119 – 01212563334