منيو مطعم فسفر

منيو مطعم فسفر

Fasfr – فسفر
رصة ساندوتشات سي فود بلدي بورسعيدي تخليك تنور من كتر الفسفور 💡بس فى الرحاب يعنى خروجة و أكله حلوة
الناس دي من بورسعيد و عاملين سي فود مشبع بجرعة فسفور عنيفة 😅 و كل السي فود عندهم بلدي من بورسعيد 👍والاحلى انك ضامن ان العيش طازة لانهم بيخبزوه فى المكان عندهم
تخيل رصة الساندوتشات دي 🌭 فيها ساندوتشات بطارخ ☝️ جمبري 🍤 سبيط 🦑 فيليه قشر بياض مقلي و في كمان ساندوتشات بطارخ مع بيض سبيط (جرعة فسفور مكثفة) 💣
قشرة البانية قرمشتها روعة (breading) طعمه حلو اوي 👌 يدوب ياخد عصرة ليمون مع عودين جرجير فريش “الجرجير مع الاكلة دي مفيد جدا”👽
في بقى كمان حاجة اسمها طاجن فسفر (قنبلة فسفور) بطارخ 💣 جمبري، بيض سبيط، حنشان كل دا بيعمل صوص البهاريز مع شرايح برتقال حاجة وهم 😍 الصوص اللي بيطلع من الكلام دا كله فعلا يكيف
نيجي بقى للاختراع (برج الفسفور) قاعدة صواريخ مليانة فسفور ( جمبري، سمك فيله، سبيط و كفتة جمبري) تقعد تنأنأ فيهم كدة تكفي 4 اكيلة وحوش و بيتقدم معاهم طقم طحينة، صوص سويت اند ساور، و طبق جرجير و فلفل و جرجير و عيش بلدي طازة، تاكل بقى حاف او تعمل ارغفة بالعيش الطازة دا .. حاجة ممتعة مش مجرد اكل ودة ب ٥٠٠ جنية
الميزة بقى إن كل دي ساندوتشات في السريع تدخل تطلب الاوردر 10 دقايق تلاقي كل حاجة جاهزة على طول و اهم حاجة إن الاكل بينزل مع الليمون و الفلفل الاخضر الحامي (الحاجات دي بتخدم الاكلة اوي) و معاها السلطات و المخلل
في كمان وجبة اسمها وجبة فسفر .. رز بالجمبري، جمبري و كفتة، مع شوربة سي فود مخلية و الشوربة فعلا متلغمة سي فود، كريمي عالمية
احلى حاجة إن طول وقت الزيارة مفيش ريحة زفارة نهائي، بالعكس ريحة الاكل جميلة و حتى بعد ما تشبع هتقوم و انت عندك احساس انك لازم تيجي تاني، خصوصاً إن اسعارهم حلوة و مناسبة جداً للكميات و الجودة اللي بيقدموها
صحيح .. قبل ما تمشي لااازم تجرب الكاساتا البورسعيدي، دي عبارة عن ايس كريم محشي قشطة بجوز الهند و قطع الفواكه المجففة و ايس كريم ليمون، مانجا و شيكولاتة كل دا في قطعة واحدة على بعضها كدة ب 15 جنيه.

عنوان مطعم فسفر
الرحاب، السوق القديم، بجوار مخبز الصفا و سوبر ماركت الحسيني (محل فسفر) و يافطته لونها فسفوري

رقم تليفون دليفري مطعم فسفر
01065261101

صور و منيو مطعم فسفر

وسم : /

Leave a Reply

Your email address will not be published. Required fields are marked *