رقم مطعم فراخ وكفتة

الطلعة دي محتاجة اجمد اكيلة في شلتك يقوموا بيها معاك وكل واحد مش هيدفع اكتر من ١٠٠ جنيه
المكان فراخ وكفتة
الصينية العظيمة اللي قدامكوا دي بتكفي من ٦ ل٨ أكيلة وبتتكون من فرختين ونص كيلو كفتة ونص كيلو سجق ونص شيش طاووق ونص صدور مشوية ونص كفتة فراخ وممبار وورق عنب ومعاهم رز يكفيكوا وعيش وبينزلكوا سلطات علي قد عددكم فهتاكلوا وتدبوها علي الاخر وسعرها ٧٣٠ جنيه
انتوا هناك مش هتاكلوا اي مشاوي علشان الأكل هناك مفيهوش غلطة وكل حاجة مخدومة وبتدوب وواخدة ليفل تاني في الحلاوة فمن غير مبالغة نقدر نقول ان ده من أحسن الاماكن اللي ممكن تاكلوا فيها مشويات في مصر..هما في الاصل كانوا تخصص فراخ مشوية وبس فعلشان كده فعلا هتجربوا من احلي الفراخ المشوية اللي هتاكلوها في حياتكوا بتكون طرية وبتدوب بطريقة فظيعة ومتحمرة كويس وريحة الشوي مفحفحة فيها واي اختراع بقي ليه علاقة بالفراخ كان حلو جدا برضو زي الشيش طاووق او الصدور المشوية ولما جينا بقي للكفتة والطرب كنا خلاص وصلنا للقمة علشان كانوا ملبسين وضاني جدا وطعمهم فيه نضافة كده وتحس ان اللحمة بتنطق..وورق العنب بقي والممبار عندهم حوار تاني خالص متسويين مظبوط ومتحبشين بزيادة وبيعملوا الحواوشي عظيم اوي اوي وعندهم حواوشي فراخ كمان حاجه كده اختراع
هما تقريبا اول ناس تخترع الصواني العملاقة دي وبيعملوا منها احجام وبكميات كتير علي حسب عددكم وتقدروا تزودوا اي حاجه تحبوها وعندهم وجبات وساندوتشات فالاختيارات قدامك كتير واحسن حاجه انك بتشوف الاكل بيتعمل قدامك فبتبقي متأكد من النضافة وبتبقي قاعد متلهف من الريحة

العنوان: ١٣ شارع محمد صقر خفاجة – متفرع من البطراوي – بجوار جنينة مول – مدينة نصر

التليفون: 01097668282

وسم :

اترك تعليقاً

لن يتم نشر عنوان بريدك الإلكتروني.