المكان : Fish_غلك 😍😍
جماعة من بورسعيد احتلوا المعادي ، ووصلوا عشان يغيروا مفهوم السمك و سموا نفسهم ” فش غلك ” ، انت مش مجرد هتاكل احلي سمك، انت هتحس انك قاعد في قلب بورسعيد وبتاكل اصناف و الوان و تشكيلات وهمية هتخليك تحلف تاكل سمك كل يوم وتفش غلك بجد 💪💪
ديكور المكان كله صور لمناطق و معالم حلوة من بورسعيد 😇، زي قناة السويس و شاطئ بورسعيد ، هتدخل علي شمالك فلوكة مليانة بخيرات الله وكلها سمك فريش وطازة وبلدي بيجي يوميا من بورسعيد ، وهناك هتعرف مسميات جديدة للسمك ولما تبقي الكرة في ملعب اهل الخبرة يبقي انت في المكان الصح و هتشحن فسفور يكفيك لشهور 😁😁
المكان عبارة عن دورين ، دور اول و دور تاني ، بيهتموا جدا بكل تفاصيل جودة الأكلات ، و توصيل الأوردرات للبيوت بيكون في وقت قصير .
منيو المطعم فيه من الأسماك الفريش الأسعار بالكيلو و الأطباق الجانبية زي كفتة الجمبري مقلية او بصلصة او الكبيبة المشوي او الصيادية او بلح البحر مشوي او زيت و لمون او بلكويز بلدي مشوي زيت ولمون ، و فيه من الوجبات العملاقة و الأرز والمعجنات والسندوتشات و السلطات والشوربة .
هناك هتشوف Staff ولاد بلد اوي 😍😍 ، وكل واحد فيهم ابن نكتة و زي ما السمكة هتحس انها بتناديك في الطبق هتشوفهم كلهم بيعاملوك بمنتهي الإحترام ، أما بالنسبة للأسعار فهي مناسبة جدا .
جربنا اكتر من أكلة زي ” شوربة بطارخ بالجمبري ” و دي و انت بتدوقها هتحس انك هتعديك من اي حيطة .
كمان كان فيه ” رز سي فود ” 40 جنيه و ده وجبة لوحده جمبري و سيبيا و كابوريا و جندوفلي كله فريش و بلدي .
اما ” الكابوريا المخلية ” بقي يا وعدي .. تاكلها بالمعلقة
ده غير ” السلمون المشوي ” بالتتبيلة الخاصة .
كمان دوقنا ” سلطة سي فود ” حكاية و ب 30 جنيه بس كلها بلدي و الجمبري بيفرقع تحت سنانك
و دوقنا طبق ” مقليات مشكل ” يرجعك 20 سنة لورا بطارخ وكفتة جمبري و سيبيا بلدي و لامؤاخذة
و لسه كان فيه ” شوربة السي فود ” الوهمية كلها بلدي في بلدي و تحدي .
عندهم كمان ” استاكوزا ” بيعملوها باتر فلاي بس إحنا اخترنا فاهيتا بصوص الجبنة .
و اوعي بقي علي صنية السمك بالزيت و اللمون من أول فص تخلي العقل مجنون .
كان فيه كمان ” صنية القاروص بالبطاطس و الصوص الأبيض ” عليها تشكيلة سي فود ودي بقي المحمر و المشمر بتاع المأكولات البحرية .
و الفسيخ وده بقي حوار تاني لوحده .
ومن وجبات ” فش غلك ” كان فيه وجبة ” happy time ” ودي شوربة بطارخ بالجمبري و رز سي فود و جمبري مشوي و كفتة جمبري و شرايح سيبيا مقلية و لامؤاخذة مقلية و سلطة
ده غير وجبة ” الجدعان ” ودي سمكة بوري و صباعين كفتة جمبري و رز صيادية بورسعيدي و سلطة
و فيه وجبة اسمها وجبة الأشباح دي عبارة عن سمكة دنيس زيت ولمون و سمكة موسي مشوية بالزبدة وجمبري مشوي و كفتة جمبري و شرايح سيبيا مقلية و شوربة سي فود و رز سي فود و سلطة ب225 ج .
ده غير الجمبري المسلوق علي الطريقة البورسعيدية الأصلية احلي شوربة في الدنيا .
وعندهم كمان تشكيلة من السلطات من بيت شبع و مهتمين بكل تفاصيلها
المواعيد : من 12 صباحا ل 12 مساءا
التوصيل : من 12 صباحا ل 12 مساءا
اماكن التوصيل : أي مكان في مصر

عنوان مطعم فش غلك
زهراء المعادي – جراند سيتي المرشدي بالقرب من كارفور المعادي

رقم تليفون دليفري مطعم فش غلك
0224478333-01145459531-01010586110

صور و منيو مطعم فش غلك