fbpx

رقم و منيو فستق حلب مصر

فستق حلب مصر
الانطباع الاول لما تدخل (فستق حلب) إنك بتتسوق في “حلب” فرع مصر الجديدة
المكان من برة شكله شيك اوي و اول ما تدخل هتلاقي اقسام
حلويات سورية، ايس كريم، كافيه مشروبات، قسم للمعجنات السورية، جبن بكل انواعها و كله كوم و المكسرات كوم تاني
في البداية الواحد لا اراديا بيلاقي نفسه رايح على قسم الحلويات فعلا شكلها مغري اوي و فيها تنوع اكتر من رائع، كفاية بس منظر هرم الكنافة المبرومة المحشية بالفسدق و البقلاوة بالقشطة و الفسدق .. حاجة يعني في منتهى الجمال
بعد كدة عندك قسم الايس كريم و دا من اكتر الاقسام المميزة، التلاجة فيها اكتر من ١٢ نوع “فواكه، شيكولاتة، لوتس، تشيز كيك .. ” ممكن تاخد بولة او بولتين في Cup او بسكوتة و في كمان تورت ايس كريم جاهزة
و متميزين اوي في البوظة العربي .. دي بقى بتبقى عبارة عن ايس كريم رول، في منها بالفسدق و الشيكولاتة و انواع تانية كتير كلهم أحلى من بعض
قسم المكسرات دا بقى الحب كله ❤️ كاچو، بندق، لوز و طبعا متوصيين جدا بالفسدق عشان اصلا اسمهم “فستق حلب” و المفاجأة بقى إننا لاقينا الفسدق الحلبي الاخضر “لونه من برة احمر” دا بقى بيجي من سوريا طازة في الموسم بتاعه و على فكرة طعمه حلو اوي و هو ني “مش متحمص” و سعر الكيلو ١٢٥ جنيه عاملين كمان Coffee & Juice bar بيقدم مشروبات و عصاير فريش و من الحاجات المميزة اللي بيقدموها قهوة ال Cold brow دي بقى طعم القهوة بيكون مركز جدا فيها لانها بتستخلص الطعم نقطة نقطة بطريقة التقطير بالتلج
عندك قسم المعجنات و المناقيش السورية بالزعتر و اللبنة و اللحم بالعجين و أحلى حاجة انهم بيعملوا كمان بيتزا بالطلب “بتاخد حوالي ١٥ دقيقة” و هتاكل احلى بيتزا 🍕 و على فكرة في مكان هناك تقعد تاكل فيه براحتك
طبعا من اشهر المنتجات السورية “الجبن”
عشان كدة عاملين قسم مخصوص للجبنة الحلوم و الشلل و انواع تانية كتير و في كمان تلاجة فيها الانواع بتاعتنا زي البراميلي و الڤيتا، و في النص تلاجة “الزواتين” فيها كل انواع الزيتون اللي تتخيلها و اكتر حاجة عجبتنا فيهم الزيتون المشوي .. بجد قصة

عنوان فستق حلب مصر
4 شارع الحجاز مصر الجديدة

رقم تليفون دليفري مطعم
01033553351

صور و منيو فستق حلب مصر

⬅️ مواقع هامة .. ننصحك بمتابعتها 👍

🍔 منيو مطاعم مصرMenu22.com➡️
📱 اسعار الموبايلاتi2Mob.com➡️
✈️ اماكن وخروجات حوزو7ozo.com➡️
وسم :

اترك تعليقاً

لن يتم نشر عنوان بريدك الإلكتروني.