هو الفطار ع النيل ممتع كده ازاي
مفيش اجمل من الفطار ع النيل في الهواء العليل و انت قاعد قدامك احلى منظر في الهواء الطلق يداعبك نسيم المشاوي برائحته العطره ❤ الله تصدقوا جوعت
المكان : Halawa we Zataar
من أرقى الأماكن في مصر اللى موجودة على النيل واخد موقع متميز جدا فوق في ال Nile Lounge والفيو عنده في منتهى الجمال و القعده و المود نفسه حاجه كده تفتح النفس
المنيو بتاعهم كبير و بيعملوا كل حاجه تقريبا بس في رمضان هما مسهلين عليك الاختيار و عاملين 3 وجبات للفطار ووجبتين للسحور
وجبات الفطار بتكون عبارة عن شوربة ( لسان عصفور او كريمة ) وسلطة خضرة و سلطة طحينة و طبق مقبلات فيه كبيبة و سمبوسك وورق عنب ومشروب رمضاني و حلويات شرقي ,, نسينا حاجه مهمه صح الطبق الرئيسي و ده بقه هتختاره من 3 اطباق من الي قلبك يحبهم
1- مكس جريل
بيكون فيه كباب و كفتة و شيش طاووق و ربع فرخة مشوية و معاه رز بالخلطه و خضار مشوي
2- فرد حمام محشي مع طاجن لحم بالخضار.
3-فيليه بقري بصوص المشروم معاه رز ابيض و خضار سوتية .
السحور بقه هتلاقوا وجبتين بس فيهم اصناف كتير من الجبن و البيض و الفول الي في منه انواع كتير و بيعملوه بالجبنة الكيري و حاجه روقان كده هتلاقوا كل حاجه في المنيو تحت
هما بيعملوا كمان بيتزا و فطير شرقي حلو اوي ❤
احنا جربنا الفطار و السحور ووصفنالكم كل حاجه في الصور
العنوان : شارع عبدالعزيز آل سعود – أمام سينما جالاكسى – المنيل
التليفون : 01205507005