منيو » رقم مطاعم حَمام عبدُه

٥ رحلات عمرة ببلاش واي حد مش هيكسب بس هيروح يوم ٣/٦ ليه هدية تانية من المكان المكان مطاعم حَمام عبدُه ـ مصر
عارفين يعني ايه مكان يبقي متمكن ومتخصص في الحمام ويعتبر ليفل الوحش عندهم بس بيعمل كل حاجة تانية من الاكل الشرقي الحرش بتاعنا؛ ده معناه ان اي اكل تاني هيطلع منهم عظيم لأن مش أي حد يظبط الحمام ويخلي الخلطة بتاعته عظيمة بالشكل ده عاملين مسابقة بمناسبة مرور سنة علي الافتتاح وهتكون سحب علي ٥ عمرات بشكل عشوائي واللي هيكسب بس مش هيقدر يستفيد بالعمرة بيقدر ياخد قيمة العمرة وهتلاقوا كل التفاصيل والشروط في لينك تحت
المكان هناك أشبه بدوار العمدة وهتحس انك قاعد في قلب بيت ريفي وفي الوش كده هتلاقوا باب كبير وده لزوم التصوير وعاملين حركة حلوة اوي فضلنا منسجمين معاها ومبسوطين وفجأة بدأنا نسأل نفسنا هو صوت العصافير ده جاي منين وبعد كده اكتشفنا انهم مش بيشغلوا اغاني في المكان خالص ومعتمدين علي مؤثرات صوتية من الطبيعة علشان يكملولك الموود بتاع الريف..وجوا شوية هتلاقي قعدة اوت دور كأنك في تراث وكيدز اريا جنبك يعني المكان كامل من مجاميعه
طول ما احنا قاعدين كنا شايفين طاسات ملوخية رايحة وجاية وصوت وريحة الطشة مفحفحين في المكان فمقدرناش نمسك نفسنا وطلعت حاجة تتجرب ماتتوصفش لاننا مكناش مصدقين ان في ملوخية بالحلاوة دي وكأن فيها سر عظيم هيخليك تشربها شرب جربنا كمان ميكس مشاوي كفتة علي شيش علي كباب وكل حاجه كانت مخدومة ومتكلفة اوي..وطلبنا سجق بدبس الرمان وكبدة بدبس الرمان وميكس مقبلات لزوم النقنقة
لازم برضو تجربوا ورقة اللحمة وورقة السجق والكبدة عندهم علشان خطيرة برضو وعليهم فتة موزة ملبسة هتاكلها علي مرة واحدة غالبا من حلاوتها..وجربنا كمان طاجن فريك بالحمام وشوربة حمام وشوربة عكاوي وكوارع حاجه كده هتكيفك وبيعملوا ساندوتشات تيك اواي برضو لو ملكوش في اللغوصة دي كلها

العنوان: مول ارينا – مجمع البنوك – التجمع الخامس

التليفون: 19433

افتح منيو المنيو رقم مطاعم حَمام عبدُه | منيو مطاعم توصيل الطلبات - اطلب رقم المطعم Menu Restaurant
Advertisements

Leave a Reply