Hysteria Shrimp House
السفرة اللى قدامكم دى كلها جمبرى 🍤🍤 اى حاجة ممكن تتخيلوها معمولة بالجمبرى والمنيو بتبدأ من ٦٠ جنية ومفيش ولا خدمة ولا ضريبة
تقريبا الناس دى وقعت على بحر جديد 😄 بيجيبوا منه الجمبرى
والاكيد انك هتخش فاصل شحن وتخرج مشحون بكمية فسفور خزعبلية
تخيل كل حاجة بيعملوها بالجمبرى مقلى أو مشوى مكرونة 🍝سندوتشات اطباق حتى السلاطة والشوربة اى حاجة اى حاجة بالجمبرى ( كان ناقص نلاقيهم عاملين عصير بالجمبرى )😂 وكمان بكميات ممتازة وثابتة و السعر احسن من ممتاز 👍👍
الاطباق بتاعت الجمبرى دى بيتقدم معاها رز صيادية والاحلى انك بتحس بالطعمين طعم الجمبرى او بطعم التتبيلة اللى علية مفيش طعم طاغى على التانى فى الاطباق 👍 نرشحلكم الجمبرى الباترفلاى اللى بالزبدة والليمون او الفاهيتا الطبقين دول أحلى من بعض
الجمبرى المقلى بقى بتاع السندوتشات فى رأينا هو الكينج 👑 لان التتبيلة والقرمشة مخلية الطعم فى حتة تانية خالص احنا طلبنا الجمبرى الزنجر القرمشة مع سنه السبايسى والصوصات اللى هما بيحطوها ع الساندوتش عاملة تناسق حلو بالاضافة للعيش طبعا
السلاطة السيزر حلوة عليها جمبرى لحم مع الخس والدريسنج
مفيش زفارة فى الاكل خالص ✋ ودى نقطة مهمه فى الجمبرى
وبالنسبة لصاحبك اللى ممكن يقفلك من الخروجة علشان مبيحبش السى فوود متقلقش عندهم سيكشن كامل فى المنيو للبرجر 🍔 اللحم العادى و لسندوتشات الفراخ