لما المكان ده يكون داخل العالمية من زمان وأول فرع ليه يكون في فرنسا يبقي مينفعش يفوتك كأكيل ? المكان مطاعم العجمى الكبابجى بعد ما سمعنا ان في كبابجي في مصر موجود في باريس من سنين ومشرفنا هناك كان لازم نروح نجربه ونشوف ازاي وصلوا للعظمة دي ?أول فرع ليهم كان في فرنسا علشان ينقلوا ثقافة المشويات المصري الحرشة بتاعتنا ويكيفوا المصريين اللي عايشين هناك كمان وسر نجاحهم ان كل حاجة عندهم بتتعمل بلدي من مزارعهم وبتتخدم كويس قبل ما تنزللك.. ممكن تعتبروا المكان ده خروجة كاملة علشان المكان واسع وكبير وفيه قعدة كبيرة جدا outdoor وقعدة تانية اكبر indoor وانت بتختار الموود اللي حابب تقعد فيه..ده غير ان عندهم كافيه ممكن تشربوا فيه حاجة بعد ما تضربوا وليمة عظيمة من دول وفيه كمان كيدز اريا علشان تاكلوا وتقعدوا وانتوا متمزجين وممكن تطلبوا بعد الأكل طبق فاكهة علشان تنقنقوا فيه وعندهم حلو جربنا منه الكنافة كانت حلوة اوي ? بيعملوا كل انواع المشاوي والطواجن والاكل الشرقي اللي نفسك فيها وكل حاجة طعمها بيتي ومتكلفة اوي..جربنا ميكس مشاوي كان عظيم وريحة الدخنة مظبوطة ومفحفحة فيه وده بيتكون من كل ما لذ وطاب من اول الكفتة للطرب للريش والكباب للسجق البلدي كمان..ومن الحاجات اللي بيتميزوا بيها جدا الحمام والفراخ المشوية وهناك بتبقي واخده ليفل تاني في الحلاوة وبيعملوا فتة موزة حجمها يسد مع اي حد وملبسة اوي ? ده غير انهم عاملين قعده vip ودور كامل مخصص للمناسبات او العزايم..

العنوان: امام كارفور المعادي (الدائري) – زهراء المعادي – الشطر العاشر

التليفون: 01014444863 – 01014444862 – 01014444861