منيو مطعم كباب أوزي

منيو مطعم كباب أوزي

ليه متجربش تاكل لحم غزال ؟ ?
مطعم ( كباب أوزي ) في طنطا سافرناله مخصوص نجرب لحم العزال
و بـ 100 جنيه لو انتو 5 افراد تاخدو صنية مشويات ميكس معتبرة في كل انواع المشاوي من اول الشيش لحد الريش و الاستيك ?
المكان من ديكوراته فخم كده انت بتخش متحف فخم مش مطعم عادي كله زخارف و ترابيزات و كنب كبار يحسسوك بالفخامة كده و الالوان أبيض في دهبي ده غير المرايات و الشجر الملون اللي هيحسسك انك في مكان كله راحة نفسية ?
هم مطعم مشويات في الاساس بيعمل كل أنواع المشويات اللي تتخيلها
قلب الدنيا في الافتتاح بتاعه من أسبوعين و السبب انه كان بيدي ببلاش كيلو كفتة علي أي كيلو مشويات هدية العروض منتهتش هنا لا هو عمل صواني الشلة ?
الصنية بتكفي 5 أفراد فيها ريش و كفتة و كباب و شيش و سجق و شرايح لحمة ستيك ما يقارب 2 كيلو لحمة او اكتر كل ده مفروش علي أكتر من نوع رز حسب طلبك ده طبعا مع شوية محاشي و سلطات كده سعرها 499 جنيه ?
بيعمل صنية لحم غزال بقي? .. كان اول مرة ناكل لحم عزال و مكناش متوقعين ان طعمه هيكون مختلف كده اللحمة نفسها كانت مسكرة شوية الصنية دي سعرها 399 جنيه و بتكفي شخصين سعرها مقبول نوعا ما و تستحق التجربة و بينزل عليها رز شارب من اللحمة و شوية سلطات ❤
بيعملو بقي باقي الاصناف زي الكوارع و البط و الحمام مثلا و فتة الموزة اللي دايبة جدا بتقع من العضم لوحدها و أطباق المشاوي العادية سواء كفتة او شيش او شرايح لحمة ستيك او كباب او كبدة او سجق كل حاجة ❤ عنده بردو قسم غربي بينزل في بيكاتا مثلا و مكرونات زي النجرسكو و الباشاميل و اللحمة اللي بتنزل علي الاسكليت و الدخان بتاعها بيقلب المكان ?
عنده بار صغنن كده بيعمل في مشاريب سخنة و بيقدم منه SoftDrinks ?
المكان مناسب جدا للتجمعات و المناسبات ده غير انه مجهز قاعة في الدور التاني معزولة بتنفع اوي للمناسبات و الاجتماعات
و عنده KidsArea علي صغنن عشان الاطفال متزهقش ?

عنوان مطعم كباب أوزي
شارع حسن رضوان مع محمد فريد بجوار شركة الغاز – طنطا

رقم مطعم كباب أوزي
٣٢٩٧١٨١٠١٥٥٨٠١٤٤٨٠٠١٥٥٨٠١١٨٠٨

صور و منيو مطعم كباب أوزي

Leave a Reply

Your email address will not be published. Required fields are marked *