منيو » منيو ورقم مطعم كبدة الطيب

المكان النهاردة بيتحدي الاكيل في حاجتين انه ياكل ويتمزج ومن انه ياكل ويشبع وبسعر على أد الايد كبدة الطيب مبدئيا كده الاكل عندهم نضيف جدا واكتشفنا أن الجزارة اللي جنبهم بتاعتهم وكمان الاكل عظيم كده ويفتح النفس وفعلا اسعارهم وكمياتهم حلوة 😄 اه نسيت اقولكم ان صاحب المكان اصلا جزار بيحب الاكل وبيعرف يعمله كويس جدا ولقينا ناس جايلهم من اماكن بعيد جدا ندخل علي المعركه احنا بدأنا ب طاجن البامية باللحمة كان طعمه حلو جدا التسبيكه بتاعته روعه و اللحمة مستوية صح و بتذوب ف البؤ وطعمها شارب من التسبيكه مع معلقة ارز فكان طعمها عالمي .. اللي بيحب يغمس البامية ب عصرة ليمون هيفوتك كتير لو معملتهاش 🤩 كمان طاجن السجق عنده غريب احنا اول ما دقنا منه معلقة استغربناه طعمه سجق بلدي فعلا و معمول في طاجن مع شوية بصل و خلطبيطه بالصلصه 😋 جربناه كمان مع الرز ف استغربناه اكتر من جماله و حسينا بقلبنا بيطبل من الفرحة 🥁😌 ورقة اللحمة الجريل عنده غير اي حد متقطعه شرائح رقيقه ووخده التشويحة الصح مش اي كلام 👌🏻 طعمها كان 💯💯 و دخلنا علي ورقة الكبدة و بقلب جامد 😍 و فعلا مسبنهاش الا لما خلصناها و ده مش طفاسه مننا بس هي متتسبش الصراحة ✋🏻 ده غير ان شمينا ريحة الحمام فقولنا نجربه 😅 بيعمل الحمام بطريقة حلوه بيحمره في الزيت و بياخد لون ذهبي كدة غريب و بيطلع مقرمش 🤤 و الرزايه مفلفله الملوخية عنده مش طبيعية انت ما بتطلبهاش و تنزالك كده عادي لا استنا ..ده بيجيلك بالطاسه لحد عندك و تبص تلاقي هوب الملوخية بتطش قدامك وتلاقيها في الطاجن و رحتها فايحة منها 😍 و عيش مع ودن القطه بالعيش البلدي 😋 و عيش يا بطل غير كل الكلام ده احنا اكتشفنا ان المكان ده بيعمل حواوشي بطريقة غريبه 😯 اولا عنده اكتر من نوع حواوشي يعني مش مجرد حواوشي باللحمة المفرومة..احنا مكناش قادرين نطلب اكتر من كدة بس حبينا نذوق 😉 بيعمل حواوشي مخاصي طعمه رهيب 😎 و عنده الحواوشي السجق اه سجق و ده بقي بيعمله في رغيف بلدي كده محترم و يحطلك السجق و هو سليم يادوب واخد التشويحة بتاعت الجريل و يطلعلك احلي طعم للحواوشي .. و كمان بيعمل حواوشي كبدة 😋 و حواوشي بقطع اللحمة و حواوشي بالحلويات 😊و كل ده عنده و بسعر واحد يعني متخافش علي جيبك 💸صحيح عندهم وجبة اسمها ليلة الخميس بي ٣٠٠ ج مكوناتها طاجن عكاوي و طاجن مخاصي و 2 شوربه كوارع و 2 حواوشي مخاصي و 2 حواوشي حلويات دي بقي تاكلها و تقوم تهد الحيطه 😅 لازم نجربها المره اللي جايه 😋 و نصيحة بص في المنيو كويس عشان مليان هتتفاجأ بأكلات حرشة كتيير 😌 المكان ده ليه طلعه تاني قريب جدا

عناوين فروعهم : فرع عباس العقاد 109ش النبوي المهندس _امام التعليم العالي فرع بيبسي 4ص رايز امام شركة البيبسي حي السفارات

التليفون : 01157770089 _ 23516299 01144060208 _ 23524333

افتح منيو المنيو منيو ورقم مطعم كبدة الطيب | منيو مطاعم توصيل الطلبات - اطلب رقم المطعم Menu Restaurant
Advertisements

Leave a Reply