منيو مطعم كبابجي ستوديو مصر

تفطر فطار ملوكي علي نافورة مول العرب ب 39 جنية 🤩💃💃
المكان: Kbabgy Studio Masr – كبابجي ستوديو مصر
احنا كنا ماشيين في حالنا في مول العرب شوفنا banner عليها فطارك مشلتت ب 39 جنية ف دخلنا نبدأ نهارنا صح و الاكل عجبنا جدا ف قررنا نكمل اليوم كله هناك😂❤️
ستوديو مصر للي مايعرفوش هو مكان بيعمل اكل شرقي و مشويات بالاخص و طواجن و كل ما يشتهيه المواطن المصري الاصيل و واخد theme الافلام القديمة و المكان مليان صور تفكرنا بالزمن الجميل ف صباح النوستاليجيا يعني 🥰 نبدأ الاول بالفطار و ده اللي عليه عرض ال39 جنيه كان فيه بيضتين مقليين و طبق فول و طعمية و بتنجان و طبق جبنة و فطير مشلتت معاه عسل و طحينة و عيش و طبق خضار و في الاخر شاي ف الحوار هيلكم معاك جامد و تبدأ بيه يومك السليم 💃 الحاجة كانت نضيفة جدا و طعمها مصري اصلي زي ما بنحبة بظبط 😇
بعد ما فطرنا و قعدنا قعدتنا كرشنا هفنا اننا نجرب المشويات من هناك و معاها شوية طواجن من اللي قلبك يحبها 🤩 الطواجن عندهم اسعارها لطيفة جدا و سعرها بيبدأ من 39 جنية و الquality و الtaste بتاعهم عالي جدا بالنسبة للسعر و الواحد هيسد معاك جامد و طبعا المشويات عندهم حوار و ليها طعم مختلف جدا و نضيفة ف هتاكل و انت مطمن علي view تفتح النفس و جو يرد الروح 😇💃 و في كمان عندهم منيو صيامي

العنوان: مول العرب- بوابة 20 – 6 اكتوبر
الفروع التانية: كايرو فيستفال سيتي – حديقة الازهر – ٥٨ شارع الثورة مصر الجديدة – بورتو كايرو مول – بورتو السخنة – بورتو شرم

التليفون : 19002

وسم : / / /

اترك تعليقاً

لن يتم نشر عنوان بريدك الإلكتروني.