عارف ابو اللمبي ده من مؤسسي المطعم دا 😁
المكان : Kebda Spot 😍😍
نفسك بتهفك علي الكبدة و السجق الصح ، اطلع على ” Kebda Spot ” ودوق و اتهني ، المكان ده ميزته انه بيقدم كل حاجة بلدي ومفيش أي حاجة مستوردة ، ومن مطاعم الشعب اللي تفتح نفسك اوي اي حاجة هتدوقها في المكان ده مختلفة عن اي مكان تاني 💪💪، ومش اي حد هيفهم كده وده ليه عشان كل اللحوم بلدي من اول الكبدة للسجق و الحواوشي و حتي الطرشي كله بلدي 100 % ❤️، وقعداته مفيش ابسط من كده و بيوصلك أي اوردر لحد عربيتك .
كل حاجة في ” Kebda Spot ” متخدم عليها و هتحس انك بتاكل أكل بيتي و توابل الأكلات مظبوطة ، وكل اكلة فريدة من نوعها و مختلفة عن غيرها 😊
جربنا أكتر من حاجة زي ..
الكبدة ودي بلدي 100 %
كمان السجق وده بيتعمل بخلطة مختلفة بلدي 100 % على الجريل
اما الحواوشي بتاعه يقتلك من جماله و بيشبع اوي و بيبقي عليه موزاريلا بتحلي طعم الحواوشي أكتر .
بعد ما بتدوق الطعم الجامد ده ، بتنقل علي الحلويات و بتجرب نوعين إما بلدي او افرنجي بالنسبة للحلو البلدي بيكون ” آيس كريم بالفسدق ” حاجة كده تفرفش معدتك وبيكون سكرها فانيليا و عليها بسبوسة من فوق و صوص كراميل .
أما ” سبونج كيك ” ودي بتكون عليها sauce و فوقيها whipping cream بالقشطة .
وايه يكون الحلو من غير ما تحبس بقي قبل ما تاخد بعضك وتمشي ، لازم تشرب ” شاي كرك ” وده اصله عربي و بيتعمل بتوابل عربية و طعمه خطير .
وكمان فيه لمون بالنعناع .
المواعيد : من 10 ل2 صباحا
التوصيل : من 10 ل2 صباحا

عنوان مطعم كبدة سبوت
الفروع : بنزينة chill out الخمايل – المحور المركزي – الشيخ زايد
أماكن التوصيل : أكتوبر – الصحراوي – الواحات – وصلة دهشور – زايد

رقم تليفون دليفري مطعم كبدة سبوت
01221722227

صور و منيو مطعم كبدة سبوت