نهاركم سعيد ❤️
انا الصراحة نهاري كان مافيش اسعد من كدة
نهارك سعيد
بجد من احلى وانضف ما اكلت مؤخرا.. #فطار حلو ومبهج جدا
بدأت بأنها كانت بتقف في الكوربة شارع بغداد الصبح بدري بتبيع ساندويتشاتها وكان لها جمهور وللأسف عمري مالحقتها
وعرفت انها الحمدلله فتحت محل عند سيتي ستارز وطول اليوم وأن في توصيل كمان فخدت فرصة الاجازة بأني اجرب فطارهم وكان اختيار موفق
كلمتهم وناس منتهى الذوق…سألت عن كذا حاجة وشرحتلي بالتفصيل
طلبت “كلوب ساندويتش” بيبقى شيدر وبيف وتركي وبيض مسلوق وخس وزيتون وطماطم والصوص ظريف مايونيز ومستردة… بس للاسف فهمتني انه مش هيبقى كلوب اوي عشان لسة مابدأوش في استخدام التوست وهييجي في عيش عادي وقلقت من ده بس طلع ممتاز
والتاني جبت “فراخ مشوية بالشيدر” هايلة والفراخ طعمها حلو ونضيف وساندويتش مظبوط وينفع اكتر كغدا خفيف من فطار
وانا فعلا بحب ستايل الپانيني اللي معمولين بيه ده جداااا
وكل ٢ ساندويتش بييجي معاهم عصير ليمون هدية في الاجازات لزوم اكتمال الروقان ❤️
الفكرة ان واحد بس فعلا بيشبع اوي اككلت نص ونص وسيبت الباقي للغدا
وجبت كمان الميني مافن شوكالاتة وطلعت خفيفة وظريفة ومش مسكرة فعجبتني اوي
فعلا ماكنتش متخيلة المستوى ده من النظافة والاهتمام بالتفاصيل
الاسعار على الكواليتي والنضافة وكمية الحشو حلوة جدااااا … هتلاقوا المنيو على صفحتهم واكيد هجرب كل حاجة هناك انشالله
الحاجة جت متغلفة كويس ووصل الاوردر في نص ساعة بالظبط واكيد هروح قريب اشوف المكان نفسه
عنوان مطعم نهارك سعيد
23 عمارات السعوديه، مساكن المهندسين، مدينة نصر
رقم تليفون دليفري مطعم نهارك سعيد
01146268644
صور و منيو مطعم نهارك سعيد
