منيو » رقم مطعم كبدة و مزاليكا

كبدة و مزاليكا Kebda & Mazalika ‎البوست دة للناس اللى بتقدر الاكل ‎تخيل طيب لما تطلب رغيف حواوشى يجيلك رغيف ونص بنفس السعر 😊 ويا سلام لما تاخدلك معاها كيلو ممبار مع كوباية الويسكى الحلال 😊 😊 .. حاجة كدة تكيف ع الاخر ‎يعنى الأكل النضيف و أحنا بنقولها واحنا واثقين المكان ده بيقدم كبدة بلدى بجد … ‎كنا سألنا الناس على جروب الصفحة ممكن نجرب الكبدة منين والكل وجهنا للمكان دة … ‎علشان كدة هتلاقوا أسعارة أكتر شوية من محلات تانية بتقدم الكبدة ( بس عموما مش أكتر اوى بس الفرق يستاهل ) وكمان ممكن لما تلاقى عندهم ضغط يوقفوا بيع الكبدة بدرى لانها بتخلص لانهم بيجيبوا شغل يوم بيوم طازة ‎احنا اول ما وصلنا محيط المطعم مناخيرنا هى اللى وجهتنا على المكان لانهم شغالين بالكبدة فى الطاسة برة يعنى التوم مع الخل مع الكبدة بيخللوا الواحد يجى من أخر الدنيا أكن النداهة ندهته .. ‎الحواوشى زى ما قولنا بيجى 6 أرباع و مليان لحمة .. طعمة مميز اوى اوى .. ‎نخش ع الكبدة بقى شوف يا سيدى عاوز تطلبها فى ساندوتش فينو ماشى فى طبق رز بالكبدة ميمنعش تاخدها فى طاجن هتبقى مبسوط فى اى حال من الاحوال دى فعلا من احلى الاماكن اللى أكلنا فيها كبدة .. ‎عندهم كمان للكييفة اوى كبدة جملى بس الكبدة دى اللى مبيحبهاش او هيجربها لاول مرة هى مختلفة خالص عن الكبدى العادية بتقرمش شوية بس فوايدها تخللى الواحد ياكلها ويدبها كمان .. ‎من الحاجات الجانبية اللى لازم تتجرب هى البتنجان المخلل و الطماطم المخللة مع الويسكى الحلال ( اللى هو ماية السلاطة ) ‎مكان بيقدم الاكل نضيف اوى وأصحاب المكان دايما متواجدين ودة بيخللى اى طلب بيطلع زى الكتاب ما بيقول

‎العنوان : سنتر الخليل .. ميدان الجوهرى , الحى الـ11 – مدينة السادس من أكتوبر

‎التليفون : 01067637060

افتح منيو المنيو رقم مطعم كبدة و مزاليكا | منيو مطاعم توصيل الطلبات - اطلب رقم المطعم Menu Restaurant
Advertisements

Comments are closed.