المكان اللي شقلب كيان الحواوشي المكان KhaltaBita طول عمرنا بنسمع عن الحواوشي اسكندراني أو بلدي بس ماذا لو قولنالكوا أن المكان ده جمع بين الاتنين في رغيف واحد وخلاه واخد ليفل تاني في الحلاوة لدرجة أنك هتتزاول من طعمه علشان بيتعمل بطريقة شبه طريقة الكالزوني وبنفس العجينة تقريبا فبتبقي رفيعة ومقرمشة زي الحواوشي البلدي وحرشة زي الاسكندراني في نفس الوقت ? هما في الأصل تخصص طاسات جبن سايحة وكبدة وسجق والديكور كله قايم علي نفس الفكرة فانت أول ما بتدخل بتلاقي طاسات وحلل في كل حته وده بيديك احساس انك واقف بنفسك في المطبخ وبيزود لهفتك للأكل أكتر وبما أن اسمهم خلطبيطة اكتشفنا إنهم بيعملوا خلطبيطة في كل حاجة فعلا زي الطعمية اللي حشوها بسطرمة ودي لازم تجربوها ولأول مرة نقابل حد بيعمل طاسة كفتة بالجبنة فتخيل كدة كفتة متحبشة وملبسة جدا عليها كمية رهيبة من الجبنة السايحة ? ومن أكتر الحاجات اللي بتميزهم وش الطاسات نفسه وتحميرة الجبنة اللي بيعملوها زي ما قالوا الكتاب واللي مش أي حد بيعرف يظبطها كدة? ولو عايزين تعرفوا أكتر عن الخلطبيطات اللي جربناها هتلاقوا وصف أكتر ليها مع الصور

العنوان: ٤٧ شارع ٢٦٣ -متفرع من شارع النصر – المعادي

التليفون: 01005766389 – 0227547745