منيو » مطعم وكافيه كيمبو

الحل الوحيد للحر ده هو تراس outdoor مكيف
المكان KIMBO Restaurant & Cafe
في احدي مخابئ سيتي ستارز اكتشفنا اكبر تراس مكيف في مصر ولو متعرفش يعني ايه تراس مكيف فخلينا نقولك انك وانت هناك هتحس انك قاعد في الهواء الطلق رغم انك قاعد في مكان مقفول بس داخلله الشمس من كل حتة فمريح وفيه morning vibes عمرك ما هتلاقيها في مكان تاني خصوصا ان حواليه زرع في كل حتة والترابيزات والكراسي والديكور fancy جدا هيخلوك تحس انك في مكان luxurious وفخم والاحلي من كل ده انه مكيف فهتحس بالoutdoor atmosphere من غير ما تحس بأي حر 👌
قررنا نروح المكان من الصبح بدري علشان نجرب موود الفطار وبعد ما اتبسطنا بالقعدة قررنا نتغدي ونحلي وبالمرة نشوف الغروب من مكان عالي زي ده هيكون عامل ازاي..اكتشفنا انهم عاملين السقف متحرك علشان قبل المغرب بشوية يبتدوا يفتحوه وتحس بالهوا الطبيعي بجد بقي ويا سلام لو قررت تاخد القهوة بتاعتك في الوقت ده هتتكيف اوي
تقريبا هو Heaven لأي حد بيقدر وجبة الفطار لانهم مهتميين بيها جدا وهتلاقوا حاجات كتير وكل ركن ف المنيو فيه انواع كتير زي الكرواسون او الpancakes او بقية الاطباق عامة.. واللي اكتشفناه برضو انهم براند انترناشونال ومشهور بالقهوة بتاعته وانهم متخصصين فيها وبيعملوها بأنواع كتير وعندهم speciality coffee بتتحضر علي ٣ مراحل بمزاج ومش هتلاقيها كتير في مصر..ده غير الcoffee cream اللي لازم تجربوها سواء روحتوا علي الفطار او في اي وقت تاني لان دي حاجه مينفعش تفوتكوا خصوصا لو انتوا كييفة قهوة ❤️
علي الغدا بقي كان الموضوع كبير شوية واتكيفنا جدا لما لقينا مكان بيعمل steaks بالعظمة دي في مدينة نصر قخدنا rib eye steak وكان juicy وtender وسواه بيكون مظبوط جدا حسب ما بتطلبه👌 واثناء ما كنا قاعدين بناكل شوفنا فرن بيتزا في اخر التراس بيتعمل فيه البيتزا قدامك فطبعا زي اي اكيل مقدرناش نقاوم وطلبنا واحده hawaiian وواحدة اختراع بقي بتتعمل بصوص بشاميل واسمها بشاميلوراما..البيتزا عندهم بتتعمل italian ورفيعة زي ما قال الكتاب ومخدومة وtoppings اللي عليها كانت عظيمة جدا 😋 جربنا كمان طبق اسباني مشهور وهو الباييلا وسلطات وبرجر وحاجات تانية كتير هتلاقوا وصف ليها مع الصور بس لازم نقولكم ان المولتن كيك عندهم مميزة جدا وبيغرقوها كراميل من جوا مع التشوكلت فبتبقي اوفر دوز حلاوة

العنوان: city stars mall – مدينة نصر – الدور الرابع

التليفون: 01000328831

افتح منيو المنيو مطعم وكافيه كيمبو | منيو مطاعم توصيل الطلبات - اطلب رقم المطعم Menu Restaurant
Advertisements

Leave a Reply