منيو » منيو ورقم مطعم ليموزين

في البرد بتاع اليومين دوول مفيش أحلى من الطواجن و الفتةأللى بيكون ليهم دور كبير في إن الواحد يبقى متدفي منه فيه كدة ??.. و الاكل دا أكل مزاجنجية فكنا عايزين مطعم بيعمل الاكل دا و في نفس الوقت يكون الاكل نضيف ومضمون و المكان شيك روحنا مطعم ليموزين في المقطم و طلبنا فتة و كوارع ? بقى واحدمن اقوى من بيقدم الكوارع فى مصر الكوارع بيضاء و نضيفة جدا و متقطعة حتت صغيرة عايمة في الشوربة العظيمة و عليها طشة التوم لونها دهبي يفتح النفس و ريحة الفتة بالصلصة بالتوم فتحت نفسنا للاكل أكتر طلبنا كمان طاجن عكاوي ? الراجل مسك الطاجن و هوب قلبه في طبق و البهاريز طلعتلنا ع الوش ? و كلها غطت العكاوي، و أحلى ما فيها انها كانت متقطعة كبير و مستوية لحد ما بقت مهلبية .. كل دا مع طعم البصل اللي لا تقل حلاوته عن حلاوة العكاوي نفسها البطل بقى كان طاجن الرز المعمر ? دا لوحده حدوته طعمه كريمي بشكل .. من زمان مكلتش رز معمر بالجمال دا بجد و في قطع لحمة مستوية في الطاجن مع الزبدة و القشطة وده شايفينة انه بطل اليوم عندنا من الحاجات اللي عجبتني جدا هناك ورقة اللحمة .. اللحمة واخدة رشة جوزة الطيب مع ملح وفلفل و بصل بس ? فعلا مستوية لحد ما بقت طرية زي الجاتوه و معاها التحابيش (بصل و فلفل) و أصلا اول ما بتفتح ورقة اللحمة بتلاقي الريحة نفسها تجنن الفراخ المشوية كانت ممتازة .. مفيهاش افتكاسات بس حاجة نضيفة جدا ، متتبلة و واخد بهارتها حلو، تسويتها ولا هي ناشفة من كتر التسوية ولا نية مظبوطة زي ما الكتاب بيقول ? الكبدة و المحشي كانو عاديين لكن طاجن البامية كان عالمي و الصلصة بيتي جدا مع نادرا ما بتعجبني البامية برة البيت ? أحلى حاجة في الدنيا انك تلاقي مطعم بيقدم اكل شعبي على اصوله و في نفس الوقت يكون مستواه راقي و مهتم بجودة الاكل و النظافة .. خصوصا في الكوارع و العكاوي و التفاصيل دي بتفرق جدا و المكان واسع و ديكوراته شيك و الخدمة هناك سريعة و ممتازة و الاسعار ممتازة بالنسبة للجودة اللي بيقدمها

العنوان: 4 شارع 11 متفرع من ميدان النافورة، المقطم و الميزة ان عندهم مكان للركنة خاص بالمطعم و ليهم فرع تاني في مدينة نصر في الحي السابع

رقمهم: 01030046009 01119997327

افتح منيو المنيو منيو ورقم مطعم ليموزين | منيو مطاعم توصيل الطلبات - اطلب رقم المطعم Menu Restaurant
Advertisements

Leave a Reply