منيو » منيو مطعم مراكش المغربي

حقبه زمنيه في التجمع هتاخدك لدوله المغرب الشقيقه 😍 المكان : Marrakech Restaurant المكان موجود في فندق Helnan landmark فا و انت داخل هتعدي علي View تحفه جدا و شيك اوي بس مجرد ما تخش المطعم هتحس انك دخلت في بوابه زمنيه خدتك علي مطعم مغربي اصيل كل حاجه فيه حرفيا هتحسسك انك في المغرب الديكور عندهم كل ركن فيه مهتمين بيه جدا من تحف و انتيكات مغربيه و اضاءه هاديه و كراسي قصور مريحه جدا حتي الMusic كلها مغربي هتدخلك في الموود جدا 💖 بالنسبه للاكل فا هو مغربي من A to Z عشان الشيفه الي جوا مغربيه و كل البهارات و الدقيق بيستوردوه من المغرب فا الاكل بيطلع حلو جدا ب طعم جديد اول مره هتدوقه ده غير انهم بيعموا حفلات علي طول للجاليلات المغربيه 🤩 المكان موجود ليه قعدات Outdoor فا انت ممكن تقعد علي View البسين التحفه الي بره و بالنسبه لل Indoor هتلاقي لوحات مغربيه و زغرفه ورسم مغربي علي السقف فا انت هتاخد احلي صور هناك 📷 في الاكل جربنا اول حاجه طاجن كفته بالبيض بيكون كرات لحم المفروم مع البسله و البيض و البهارات المغربيه و صلصه الطماطم و بيتقدم معاها ارز بالزعفران 🤗 بعدها دخلنا علي بستيله بالسمك بتكون جلاش محشي سمك و كاليماري و مشروم و جمبري و سسمك قشر بياض و مشروم و زيتون و شعريه صينيه و كمون و فلفل اسود و عليها من فوق موتزريلا 💃 خدنا بعدها كسكس علي الطريقه المغربيه بيكون كسكسي عليه فراخ عليها بصل مكرمل و جنزبيل وفلفل اسود و معاه بينزل صوص تفايه بتاعهم هيعجبكوا اوي 😍 جربنا في المقبلات عندهم سمبوسك بس عندهم بتكون محشيه فراخ او محشيه كبده بيكونوا حلوين جدا💕 اخر حاجه كانت كبده مشرمله بيكون طاجن كبده بالبقدونس و الببركا و الكمون و زيت الزيتون و بينزل معاها طبق ارز 👌 كمان هما عاملين منيو لفتره محدوده في اكلات من دول شمال افريقا

العنوان : داخل فندق هلنان لاند مارك – شارع التسعين – التجمع الخامس

التليفون : 01206011155

افتح منيو المنيو منيو مطعم مراكش المغربي | منيو مطاعم توصيل الطلبات - اطلب رقم المطعم Menu Restaurant
Advertisements

Leave a Reply