المكان: Mohave بنحب كل شوية نجرب أكلات وأماكن جديدة بس المرة دي اكتشفنا مكان جاي من قرن وعالم تاني بثقافة جديدة علينا فالتجربة دي كانت مختلفة كتير..بيقدموا أكل Authentic native american يعني اللي كانوا بياكلوه الهنود الحمر واللي كان مشهور في أمريكا اللاتينية زمان فممكن تعتبره ألة زمن هتنقلك لدنيا تانية علشان غير الأكل اللي اغلبه جديد ديكور المكان لوحده هيدخلك في الموود جدا من أول الديكوريشنز العتيقة والخشب الrustic القديم للألوان ولبس الستاف لوحده حوار تاني حتي شكل الأطباق وطريقة التقديم وأسامي الأكلات وديزاين المنيو مختلف فكل التفاصيل هناك بتتجمع علشان تشقلبلك يومك ? عندهم ركن عظيم في المنيو اسمه خلطة ناتشوز والحلو اللي فيه أنه عامل ميكس بين المصري والاميريكان وده level تاني في الاختراعات زي الAngelina طعمية والMaria مسقعة والPablo سكرمبل وحاجات تانية كتير هتلاقوا وصف أكتر ليها مع الصور ? ومن الحاجات اللي بيتميزوا بيها جدا هي طبق اسمه Three sisters stew وده طبق امريكي زي ما قال الكتاب ويعتبر الأكل البيتي بتاعهم زمان وبيتكون من لحمة بتستوي في ٨ ساعات مع درة وخضار ورز فهيديك احساس Homey جدا ❤

العنوان: كايرو فيستيفال سيتي مول – التجمع الخامس – قريب من The village

التليفون: 01288821726