fbpx

عنوان حديقة حيوان مون زو

MonZoo Egypt
سحور اوبن بوفيه في حديقة حيوانات خاصة
ب ١٢٥ جنيه و مفيش زيادة خدمة ولا ضريبة
اول ما توصل و تركن عربيتك بتتمشى في ممر فيه اشجار متزينة و برجين حمام المدخل في مجسم لزرافتين طوال و بعدها غوريلا و مستخدمين انواع كتير من النباتات و طريقة توزيعها في المكان جميلة جدا، زي جناين القصور
لما تقرب عالبوفيه هتلاقي العواد و المغني و الراجل بتاع العصير بيصب السوبيا و بيعزم عليك بكوباية في الاول افتكرت إن دي مجسمات الحيوانات، بس بعد كدة سمعت صوت البط روحت مع الاولاد و لاقينا بحيرة فيها وز و بط بجع حقيقيين شوية و لاقيت تمساح عالارض بس الحمدلله طلع ماكيت شكله كإنه حقيقي
البوفيه منظم جدا و فيه تنوع اكتر من ممتاز، طبعاً الفول و الزبادي اساسيين و عندك بقى طعمية سادة و محشية و شكشوكة، بطاطس، بتنجان، بيض مسلوق و بيض مدحرج و الاومليت بيتعمل بالطلب Live show
في الاخر خالص في بقى الحلو “تحفة” كريم كراميل، رز بلبن بالمستكة و ماء الورد، شعرية بلبن، بودنج شيكولاته بعد كدة في ركن فيه الشاي احمر و اخضر، نسكافيه و المشروبات الساخنة كلها
الخدمة اكتر من ممتازة و الناس اللي واقفين عالبوفيه ذوق جدا، و انبسطنا جدا بجو المكان و الاطفال حبوا موضوع الحيوانات دا اوي “في قفص بغبغنات” مكان جميل و مختلف و استمتعنا كمان بالاغاني و العزف عالعود
متكسلش روح و مش هتندم حاجة متميزة و الجو دا مش بيتعمل غير مرة واحدة في السنة
نصيحة:
تقل اللبس عشان الجو بالليل بيبقى فيه لسعة برد و المكان كله مفتوح
*المكان بالحجز و لازم تروح بالعربية، في ركنات كتير هناك خاصة بالمزرعة

عنوان حديقة حيوان مون زو
جمعية عرابي، العبور “كلمهم يبعتولك اللوكيشن

رقم تليفون حديقة حيوان مون زو
01287002444

صور و منيو حديقة حيوان مون زو
خروجات حوزو
وسم :

اترك تعليقاً

لن يتم نشر عنوان بريدك الإلكتروني.