Nazmi -نظمي
وجبة فطار كاملة وسط بحر أسكندرية ب ٧٠ جنية ومفيش ولا خدمة ولا ضريبة
الجو ابتدى يتحسن وتتصرف فى يوم تروق على نفسك واللى معاك
يعنى تضرب نضارتك الشمس وتطلع تفطر
قعدة الفطار دي بالدنيا كلها، تبقى قاعد بتفطر و قصادك البحر و السما ملهمش اخر ? و في ايدك كوباية شاي بحليب بتمزمز فيها و سامع صوت موج البحر ? بجد الواحد مش عايز اكتر من كدة عشان يبقى اسعد واحد في الدنيا
هو بيبقى طقم كدة فول + فلافل + بيض + جبنة + بطاطس + مشروب سخن
عايز الفول بزيت حلو، حار، بالخلطة، اسكندراني .. و طبعا محدش هيظبط الفول الاسكندراني اكتر من الاسكندرانية نفسهم ?
ممكن تطلب البيض مسلوق، عيون، اومليت، بيض بالبسطرمة، قولهم عالطريقة اللي تعجبك
و بعد الفطار ممكن تحبس بكوباية شاي، قهوة، نسكافيه، كابتشينو .. بس كوباية الشاي بلبن قصاد ال View دا عندي بالدنيا كلها
الليلة دي كلها ب 70 جنيه
الميزة في العرض دا إن مفيش فرق في السعر بين الاومليت و البيض بالبسطرمة مثلا او الشاي و النسكافيه
لكن لو حبيت تطلب اي حاجة تانية من المنيو سواء اطباق او ساندوتشات بتدفع السعر المكتوب في المنيو حسب طلبك
(مفيش زيادة خدمة ولا ضريبة عالفطار)
المكان دا بيبقى عبارة عن لسان في قلب البحر و مكان كبير اوي و دورين كمان، المكان تصميمه انك لما تقعد في اي مكان تبقى مستمتع بالمنظر دا
يعني تحت بتبقى اقرب للبحر، و ال View من فوق كمان بيخليك تشوف مساحات اكبر .. متحيرش نفسك و اقعد في اي مكان هتنبسط
البس شيك عشان تتصور هناك ? انت حتى لو اتصورت بعدة تليفون ارضي الصورة هتطلع حلوة ?
الفطار بيبقى شغال من الساعة 9 الصبح لحد الساعة 1 الظهر
احنا بصراحة ودى محصلتش قبل كدة قعدنا عندهم من الساعه ١٠ الصبح لغاية وفت المغربية لما جالنا اصحابنا طلبوا كبدة و سدق (سجق دي بتاعتة القهراوية) ?
عيش فينو طازة مليان كبدة متقطعة بالطريقة الاسكندراني “شرايح رفيعة” و كل رغيف بيتقدم معاه ليمون، بس لو بتحب التوم كتير قولهم انك عايز جرعة زيادة، الكفتة عندهم ممتازة من حيث التتبيلة و الفرمة و التسوية ?
شعور جميل بردو انك تبقى قاعد بتتفرج على منظر غروب الشمس و قصادك رصة ساندوتشات كبدة و سجق مع قرون الفلفل الحامي و جنبهم رصة ساندوتشات الكفتة و ازايز الحاجة الساقعة ? تحس ان كل احلامك بتتحقق في نفس الوقت ?
اسعارهم لطيفة جداً
يعني رغيف الكبدة ب 15 جنيه، السدق ب 20 و الكفتة ب 25 جنيه
اسعار في متناول الجميع، و متنساش انك قاعد في مكان شيك جدا و الڤيو فيه تحفة (دول ليهم تمنهم) و انت تستحق هذا القدر من الهشتكة و الرفاهية ✌️? ** الفطار من غير ضريبة لفترة معينة

العنوان اسكندرية، جليم باي، Water side، اخر المشاية

رقمهم01208898806