بيتزا كينج
فاكر زماااان كنا ناخد 2 بيتزا و ندفع سعر واحدة بس و كل مرة نندهش ?? دخلت من كام يوم اسأل
هو العرض بتاع بيتزا و عليها واحدة مجانا لسة شغال؟
قالي: اه يا فندم لسة موجود
انت بتتكلم بجد!! ?
بجد مكنتش مصدق إن العرض يفضل موجود السنين دي كلها و سعر البيتزا بيبدأ عندهم أصلا ب 35 جنيه (الاتنين بنفس السعر)
و الجديد بقى إنهم عاملين شوية اختراعات من اللي كرشك يحبهم ? خلينا الاول نتكلم عن البيتزا ساندوتش ??
عبارة عن بيتزا مقفولة و محشية زي ما تحب “بيبروني، فراخ، هوت دوج، تونة، بابريكا” مع الجبنة الموتزريلا و صوص البيتزا و الخضار .. بصراحة أول ما شوفتها قولت اكيد مش هتكفي “عشان شكلها نص بيتزاية” بس بعد ما كلتها اكتشفت انها مشبعة جدا لدرجة إني مكلتش حاجة تاني بعدها، و من كتر ما عجبتني بقيت اطلبها في الشغل و اجربها بطعم جديد و صوص مختلف.. خصوصاً إن سعرها حنين (40 جنيه)
خد بالك من الحتة دي ?
اكتشفت لقطة حلوة اوي .. إن الضريبة على البيتزا أقل بكتير من باقي الاكل، يعني ممكن تعمل اوردر طويل عريض و في الاخر تلاقي الضريبة 4 جنيه مثلاً ?
كمان من الحاجات الجميلة عندهم بيتزا جديدة اسمها Double dough (بيتزا طبقتين) و بالمناسبة دي اول مرة اشوف بيتزا متقطعة مربعات زي الفطير ? و لحد دلوقتي مش عارف السر
المهم إن البيتزا بتبقى محشية لحم او فراخ زي ما تحب و عليها من فوق طبقة الجبنة الموتزريلا .. طعمها ممتاز ? و في نفس الوقت سعرها لطيف 55 جنيه
طبعا طبق السلطة بتاع بيتزا كينج دا من الثوابت .. دايما كنت ببقى المسؤول عن طبق السلطة دا ? اجيب كبشتين كول سلو املى بيهم نص الطبق و الجنب التاني البطاطس بالمايونيز، و شوية بنجر، الطبق دا بيبقى بونبوناية القعدة و نفضل كلنا نمزمز فيه تحت شعار السلطة للجميع ?
البيتزا اللي عليها واحدة + واحدة مجاناً هتلاقي مكتوب عليها كدة في المنيو Buy one get one free
و تقدر تختار البيتزا بعجينة ايطالي، او بان (السميكة دي اللي بتسد) و كمان ممكن تدفع 10جنيه و تاخدها ستافد كراست “الأطراف المحشية جبنة”
تقريبا مفيش حد في مصر ماكلش في بيتزا كينج قبل كدة، لان دايما اسعارهم حنينة و تنفع مع أي ميزانية و تقريبا دا اول براند مصري متخصص في البيتزا
الزيارة دي كانت في فرع المعادي، المكان واسع و الشباب خدمتهم ممتازة، و لسة محافظين على نفس شكل و الوان الديكورات بتاعت زمان حتى الاغاني اللي بيشغلوها هتفكرك فترة جميلة اوي
المواعيد
من 10 الصبح ل 3 الفجر
“بجة” مكانه فى شارع محمد فريد – عابدين #وسط_البلد
رقمهم
