منيو » رقم ومنيو مطاعم بيتزا ويتش

أول بيتزا ساندويش في مصر ! 😍 و الاوردر بتاعك لو وصل 150 جنيه هتاخد خصم 25 جنيه وكمان لو بعتلهم رساله علي الخاص هتاخد Cinnamon Balls هديه 👌 💃 العرض ساري لغايه اخر الشهر المكان : Pizzawich كلنا زهقنا من الروتين بتاع الاكل و في كل خروجه كانت الشله بتتقسم لشويه عاوزين ياكلوا ساندويشات و شويه عاوزين بيتزا 😅 جالنا خبر ان في محل عمل افتكاسه بيتزا ساندويش فا كنا لازم ننزل نشوف ايه الحكايه دي 💃 وروحنا فعلا ولقيناهم انهم حقيقي عملوا افتكاسه حلوه جدا 🤩 الي مميزهم ان المنيو عندهم 9 بيتزا ساندويش بس فا هما متمكنين منهم جدا و ظابتينهم و مخدومين اوي هما متقسمين لبيتزا بتكون محشيه Fried Chicken او بيتزا محشيه Beef Burger هما بيفردوا العجينه في استمبه جوا فورمه استانلس و بعدين يحطوا الحشو فيها و يدخلوها الفرن تستوي بعدين يخرجوها يدوها تاخد التوبينج بتاعها و يدخلوها تاني و بعد ما تخرج يحطوا عليها موتزريلا و صوص شيدر و دوريتوس 🤤👌 جربنا اول حاجه كان اسمها Terminator و ده بيكون عباره عن قطع شيش فراخ غرقانه في الموتزريلا و عليها صوص باربكيو و معاهم صلصه بيتزا و فلفل رومي و خيار مخلل و زيتون و مايونيز و عليها من فوق جبنه موتزريلا و صوص جبنه شيدر و دوريتوس 😍👌 حرفيا اول ما قطعناها انفجرت جبنه موتزريلا و فراخ عشان حقيقي الحشو بيكون بزياده 🤤 و عشان كده بينزلك Gloves عشان تلغوص براحتك 😂 تاني حاجه جربناها كانت Ranch Wave و دي بتكون طبقتين صدور فراخ مقليه و عليهم صوص الرانش و بتكون غرقانه في الموتزريلا برده و معاها فلفل الوان و عليها من فوق دوريتوس و الحلو فيها الفراخ عندهم ظابطينها اوي مقرمشه و تتبيلتها مظبوطه جدا 😍 هما عارفين يظبطوا كل حاجه فا انت هتدوق طعم كل حاجه جوه و مافيش حاجه هتغطي علي طعم حاجه 👌 اخر حاجه جربنها كانت Dynamite Beef و ده بيكون قطعه برجر بقري مشويه علي الجريل و معاها صوص اسمه Dynamite هما الي بيعمولوه حاجه كده Spicy هتفتح نفسك 🔥و بيكونوا غرقانين في الموتزريلا و معاهم جبنه شيدر و عليه من فوق دوريتوس و موتزريلا 😍 لحم البرجر عندهم هما الي بعملوه فا بيكون بقري صافي 100% و عاملين التتبيله بتاعت اللحمه حلوه جدا 🤗👌 حرفيا انت و انت بتفتح اي بيتزا برجر الزمن هيقف قدامك من منظر الجبنه الموتزريلا السايحه و الحشو الي جوا 🤤💕 جربنا كمان من ال Appetizers بطاطس مع لحمه مفرومه او Hot-Dog و عليهم صوص جبنه شيدر و صوص رانش او ديناميت صوص لو بتحب الSpicy و كان حلو جدا 😍

العنوان : 35 عباس العقاد، المنطقة الاولى، مدينة نصر

التليفون : 01118889338

افتح منيو المنيو رقم ومنيو مطاعم بيتزا ويتش | منيو مطاعم توصيل الطلبات - اطلب رقم المطعم Menu Restaurant
Advertisements

Leave a Reply