fbpx

رقم مطعم ركن الحمام

حمام و محاشي و رقاق ملفوف و ملوخية و غيرها كتير متوسط اسعارهم تقريبا من ٧٠ ل ١٠٠ جنيه بس ?
المكان : رُكن الحَمَام
مكان محندق اكتشاف في المهندسين ديكوره كله انتيكات كانك في بيت قديم مصري عتيق ? هتشم ريحة الاكل هتلاقي بطنك ابتدت تنقح عليك عايزة تاكل ? في طبالي علي الارض و دي احلي قعدة من وجهة نظرنا
من الحاجات الظريفة طريقة غسل الايدين بعد الاكل بيجبولك كوز ميا و طشط و الميا فيها لمون و نعناع و قرفة و اعشاب بتكون دافية و صابونة يصبولك و اغسل ايدك بقي في الطشط ?
بيعملو حركة صايعة جدا عشان الاكل اللي بيقدموه يكون Fresh و يطلع للناس Fresh دايما ايه هي بقي ؟ انهم مقسمين ال Menu ايام كل يوم ليه Items معينة بيبقو مجهزينها هو اكلهم كله تحفة فعلا هتحس انهم مخبيين الحجة او تيتا جوة عشان الاكل يطلع بالطعامة دي ? و عموما اي حاجة انتو نفسكو تاكلوها كلموهم و اسالوهم لو هيقدرو يعملوهت هيعملوها علي طول ? بالرغم من ان المكان محندق شوية الا انه بيكون في المناسبات و التجمعات ليه جو حلو اوي كده ?
احنا جربنا الحمام المحشي من عندهم في منه اكتر من نوع سيطر علي نفسك بس لحسن متلاقيش صوابعك ? و جربنا الرقاق بيعملوه ملفوف كده زي الساندوتش و في منه كذا نوع لحمة و فراخ و جبن ? جربنا الفراخ المحشية كمان و عشان الناس اللي بتعمل دايت هم عاملين وجبات Dite مخصصة ابقو اسالو عنها غالبا هتكون حاجات مشوية من غير Fats المحاشي بقي عندهم حدث ولا حرج ? ورق عنب و كرنب دول اللي جربناهم ? في ملوخية هم عاملينلها سلوجن ( ملوخيتنا احسن من ملوخية ماما ) ? جربو بنفسكو و احكمو علي السلوجن ده
عندهم اصناف كتير بقي حواوشي و عدس و مخللات و بط و كفتة و و و مش هنخلص ? الحلو اللي جربناه بعد الاكل كان قرع عسل ?
لتفاصيل اكتر عن تجربتنا خدو لفة في الصور ?

العنوان : ٣ش جمعية النسر بجوار فندق المنار خلف مصطفي محمود, المهندسين

التليفون : 01004435541

خروجات حوزو
وسم :

اترك تعليقاً

لن يتم نشر عنوان بريدك الإلكتروني.