هتدفع 48 جنيه وهتأكل طبق فيه مكرونه وكابوريا وجمبري وسلطات .. ولو راجل كل 😁
Salad Fiesta
ماشين كده في سيتي سنتر الماظه ودخلنا الفود كورت وعمالين نفكر نفكر نأكل بيتزا ولا برجر وبعدين سمعنا صوت استغاثه من الصديق العزيز الكرش بيقول ارحموني شويه 😅 قولنا مبدهاش بقي روحنا علي مطعم بيعمل اطباق صحيه اسمها salad fiesta
فكرته قائمه علي انك بتختار بين حجمين من الاطباق
750 ملي = 48 جنيه
1000 ملي = 57 جنيه
✅الخطوه الاولي :
هتختار خس / جرجير / مكرونه او هتقوله يعملك ميكس من الثلاثه
علشان لو حد مش عاوز نشويات
✅الخطوه الثانيه :
هتختار من الاصناف التاليه
لو اخترت الطبق 750 ملي هتختار (4 اصناف)
لو اخترت البطق 1000 ملي هتختار (8 اصناف)
مشروم – زيتون اخضر – طماطم – حبوب ذره – بروكلي – جزر – خيار – بصل احمر – حمص – فلفل الوان – فاصوليا خضراء – فاصوليا حمراء – شرائح بنجر – بطاطس – باذنجان مشوي – هالبينو – خرشوف – جبنه شيدر – جبنه موتزاريلا – جبنه فيتا – جبنه قريش
✅ الخطوه الثالثه :
هنختار صنف واحد من البروتين
دجاج مشوي – دجاج مقرمش – دجاج باربكيو – تونه – تركي مدخن – رنجه فيليه – بيض مسلوق
✅ الخطوه الرابعه :
هتختار صنف واحد من صلصة السلطة
رانش – زيت زيتون – سويت شيلي – هاني مستر – عصير ليمون – فرنش – سيزر
بس كده هتلاقي قدام طبق عملاق انا سميته (لو راجل كل) 😅علشان حرفيا انا معرفتش اخلصه 😁
والمكان برضه بيقدم مجموعه من العصائر الفريش وسلطه الفواكه جاهزين انك تختار علي طول وكل 5 دقائق هتلاقي حد من جوه طالع بثلج مجروش بينزله علي العصائر 😎
والجميل في المنيو ان هتلاقوا مذكور السعرات الحراريه لكل صنف والقيمه الغذائيه

الفروع :
سيتي ستارز مول
01063265400
كايرو فيستيفال مول
01020029397
سيتي سنتر الماظة
01065495510 – 01550810454
نادى وادى دجلة النخيل
01000556799
نادى هليوبوليس
01010712025