منيو و رقم مطعم صلصا ميستا

Salsa Mista
فطار يبدأ من ٩٧ جنيه في القعدة علي الڤيو الجميل دا
وكمان بتاخد مجانا سلطة 🥗و شوربة “Refill” و مشروب رمضان و حلويات رمضانية
وقت ما بنقول يلا بينا نفطر مع بعض يوم .. كتير الواحد مخه بيهنج 😅نروح فين و نفطر ايه؟
في الحالة دي خلي Salsa mista اول حد يجي في بالك
بيقدموا منيو ايطالي و International تناسب كل الاذواق، اختارنا منهم أطباق مميزة جدا 👍
نبدأ بقى بطاجن الفراخ بالجبنة ب “٩٧ جنيه”
بيبقى عبارة عن طاجن فيه قطع فراخ بالجبنة، مع البطاطس و الفلفل الالوان و البصل مع صوص ايطالي بالريحان و الطماطم 🥘 كل دا بيستوي مع بعضه في الفرن
و أي طبق فطار بيتقدم معاه سلطة + شوربة Refill و مشروب رمضاني و حلويات رمضانية
نيجي للكوردن بلو .. فعلا دي من أكتر المرات اللي أكلت فيها كوردن بلو و انبسطت جدا و طلبت معاه بيستو باستا 🍝 “مكرونة بصوص الريحان” 🍃 فعلا كلمة ممتازة شوية عليها “ب ١٢٨ جنيه”
و من اكتر الاصناف المميزة بقى الشورت ريبس Short ribs
دي بتبقى عبارة عن ضلوع و بتاخد صوص بالعسل و الاعشاب بتبقى اللحمة دايبة و طعمها رهيييب و بيتقدم معاها بطاطس جراتان بالجبنة هي اكلة تقيلة بس حلوة جدا
في كمان تشكين مونتيري دا عبارة عن فراخ بصوص الباربكيو و في نفس الوقت قريب من فكرة الكوردن بلو، ممكن تطلبه مع باستا أو طبقين جانبين
دا غير بقى المقبلات زي الميت بولز و ورق عنب، سمبوسة
القعدة في المكان هتعجبك جدا خصوصاً إن الڤيو في ال outdoor حلو اوي و تقريبا كل يوم بيكون في حفلة تخت شرقي في المول
و عندهم السحور بيبدأ من ٣٠ جنيه “حسب اختيارك”