اوبن بوفيه سحور و فطار رمضان في زايد

اوبن بوفيه سحور و فطار رمضان في زايد

Saray Fatma Restaurant
مكان جديد عاملة ديكوراته زى السرايات بتاعت زمان
وكمان بيعمل كل يوم اوبن بوفيه ((لحوم و طيور و سمك )) حتى الشبع 👍
حاجة كدة ترجعك لزمن الهوانم و البشوات أيام Bon Jour & Bon Soir
مبدئيا كدة انت اول ما بتدخل هتحس انك فعلا داخل سرايا فاخره 👑 الديكورات مع النجف و شكل الستاير و حتى الكنب و الكراسي فخمة و مريحة جدا 😍
كمان الادوات المستخدمة في البوفيه لونها دهبي و تصميمها كله راقي تحس إنها شبه القصور اللي بتيجي في افلام زمان و المسلسلات
البوفيه بقى حوالي ١٠ متر
فيهم كباب، كفتة، فراخ مشوية، كباب حلة، سمك، محاشي مشكلة، كوبيبة، لازانيا، رز، خضار بالبشاميل، ٦ او ٧ سلطات، نوعين شوربة و ام علي و الحلويات الشرقية بالمكسرات
أصناف البوفيه بتتغير عشان يكون في تنوع، فا هتلاقي إن كدة كدة في صنف طيور، مرة يبقى فراخ مشوية و ممكن يوم تاني يبقى صنف مختلف
الاهم من كل دا إن الناس دي بتقدم Premium Quality 👌
فعلا أكل معمول بصنعة و يستاهل تصوم قبله يومين تلاتة بس عشان تجهز للبوفيه دا و فعلا الاكل اللي هتاكله و التجربة كلها هتفضل فاكرها طول حياتك بكل تفاصيلها (( فاكر لما فطرنا في سرايا فاطمة؟ ))
الكباب رهيب فعلا اللحمة نفسها نوعها ممتاز و التتبيلة و التسوية مثالية👍 الكفتة كمان كانت حلوة اوي، الفراخ المشوية بقى اللي كانت مفاجأة لان فعلا تتبيليتها مميزة جدا و الفراخ طرية اوي .. و كله Refill 🤩🤩 تاكل لحد ما تشبع 100%
بس ابقى افتكر تسيب مكان في معدتك للحلويات و أم علي “بعين الجمل”
و بعد الاكل ممكن تطلع تتصور مع لوكيشن “سرايا فاطمة”
الفرد ٣٩٩ جنيه و بيتضاف خدمة و ضريبة
الاطفال مجانا لحد ٦ سنوات
و من ٦ ل ١٢ سنة ب ٢٤٠ جنيه
في سحور ب ١٨٠ جنيه “Set menu” و ايام الحفلات بيبقى ب ٤٠٠ او ٥٠٠ جنيه حسب الحفلة و الفقرات
رقم الحجز “لازم حجز”
01211773245
العنوان
مول زايد 34 وصلة دهشور بعد مدخل زايد ٣

وسم :

Leave a Reply

Your email address will not be published. Required fields are marked *