سيلينا كافيه لوكشين مول طريق السويس

سيلينا كافيه لوكشين مول طريق السويس

Selina Cafe & Lounge
يعني طاجن العكاوي أو اللحمة بالبصل ب ٧٥ جنيه
الناس دي حققوا المعادلة الصعبة و بيقدمو الاكل الحرش اللي كلنا بنحبه بنضافة و كمان بأسعار حلوة اوي و الاهم إنك قاعد في مكان شيك اوي
بس قبل ما نتكلم عن الاكل خليني اقولك إن ال Vibes في المكان حلوة اوي، ديكورات شيك، قعدة Indoor & Outdoor
و المكان شكله بالنهار حاجة و بالليل حاجة تانية خالص بالاضاءة و الانوار
احنا استغلينا إن الجو حلو و اختارنا القعدة قصاد النافورة و شاشة التلفزيون العملاقة و Sound system بيعرضوا عليها ماتشات الكورة كإنك في الاستاد
في الاول بدأنا نسخن بطبق مقبلات مشكل .. ممبار ، ورق عنب، سمبوسة و من هنا بدأنا نتفائل لان فعلا كلهم حلوين و يفتحوا نفسك عالاكل
نيجي بقى للجد
اكتر حاجة عجبتنا اللحمة بالبصل و العكاوي “دا طاجن و دا طاجن” بس الاتنين معمولين بنفس الطريقة و احلى لحظة لما الطاجن يخرج من الفرن و هو لسة بيبكبك من السخونية و اللحمة متشمعة بصوص مكرمل و فيه خلاصة طعم اللحمة و هي بتستوي تقدر تقول كدة فيه البهاريز كلها .. و يا سلام بقى لو طلبت معاه شعرية بالزبيب و المكسرات
تاخد معلقة من الصوص على الشعرية خلطة جامدة جدا
طلبنا كمان فتة موزة .. جاتلنا طاسة فيها حتة لحمة كبيرة اوي، واخدة الطاسة من أولها لاخرها و عاملين الفتة المصري النموذجية بالعيش البلدي و الخل و التوم زي بتاعت أول يوم في العيد الكبير 😃
على فكرة اسعار طواجن الخضار “ملوخية / بامية ” حلوة اوي عندهم ب ٤٠ جنيه
و زي انبسطنا بالاطباق الشرقي .. جربنا كمان البرياني دجاج
بقولك ايه .. برياني هندي هندي يعني لدرجة إني استغربت إن الشيف هو نفسه اللي عامل كل الاكل الشرقي دا و عامل الاتنين مظبوطين كدة
من المزايا كمان في سيلينا إنهم جنب ال Kids area “هي مش تبعهم”
بس لو انت قعدت في سيلينا هتاخد خصم و أول ساعة تبقى ب ٣٥ جنيه و الساعة التانية تبقى ب ٢٠ جنيه
إجمالاً تجربة جميلة و هتحب تكرر زيارتك للمكان كتير من كتر ما هو مريح و أكلهم حلو
رقمهم
01116111551
العنوان
طريق السويس، داخل لوكشين مول
Location Mall
في باركينج كبير خاص بالمول يعني اكيد هتركن براحتك

Leave a Reply

Your email address will not be published. Required fields are marked *