أجمل مكان فطار رمضان في الشيخ زايد

أجمل مكان فطار رمضان في الشيخ زايد

Seray Egypt
أشيك مكان ممكن تفطر فيه السنادى
واحد من المطاعم اللبنانية ال Premium اللي تتعد على صوابع الايد في مصر
و دا الفرع الوحيد في مصر من سلسلة مطاعم سراي اللبنانية و حتى الشيف اللي بيعمل كل الاكل دا لبناني بنفس المكونات و المقادير اللي بتتعمل بيها في لبنان .. و بيقدموا جودة عالية جدا
مكانهم في مول Walk Of Cairo واحد من أكبر و ارقى المولات في منطقة الشيخ زايد
من اول ما تدخل المطعم هتحس بالفخامة، كل حاجة حواليك رخام في رخام .. الارض، الحوائط حتى الترابيزات و كل الديكورات باللون الدهبي و المزيكا بتكمل المود الجميل دا مع الاضاءة الهادية
في قعدات Outdoor وسط الشجر و الزرع و النخل
منظر طبيعي جميل و استغلينا إن الجو حلوة و قعدنا في اكتر مكان مميز
نظام الفطار بيكون عبارة عن Set menu للفرد
بتتكون من طبق رئيسي، مزة باردة “سلطة” مزة ساخنة “مقبلات” مع شوربة، و مشروب رمضاني و العيش المخبوز و الحلو
الطبق الرئيسي بيكون ميكس جريل فيه مشويات على الطريقة اللبنانية
كباب، كفتة و شيش طاووق و معاهم التومية و العيش المحمص بصوص الطماطم و البصل و البقدونس .. بيضيف طعم قوي جدا مع المشويات
و ممكن تختار أطباق مختلفة زي شقف اللحمة بصوص الديمي جلاس او دجاج فرن مع الرز بالخلطة و المكسرات
بس لو عايز رأيي .. خليك في المشويات لانها فعلا قوية جدا و مستواها اكتر من رائع و المقبلات كلها مميزة سواء الحمص، اللبنة، بابا غنوج و البطاطا الحارة .. حبيتهم كلهم
و بعد الاكل بقى بينزلك الحلو: مهلبية بالبرتقال، مهلبية بالمكسرات، غريبة، كريب بكريمة الشيكولاتة و البندق أو أم علي بالمكسرات
بالنسبالي أحلى ما فيهم أم علي.. بس طبعاً دي أذواق ممكن حاجة تانية تعجبك اكتر
**السعر فى المنيو مع الصور ويضاف خدمة وضريبة
رقم الحجز
01275700000
العنوان
مول ووك اوف كايرو WOC، الشيخ زايد

وسم :

Leave a Reply

Your email address will not be published.