fbpx

رقم و منيو مطعم شهريار

بتقول إيه.. طن فراخ ببلاش؟ طب ودّيني بسرعة على هناك! ️Shahrayar-شهريار
سمعنا إن فيه مطعم جديد اسمه شهريار هيفتح رسمي بكرة، فقُلنا نسبق الكل ونروح نشوف الكلام هناك بيقول إيه
دخلنا المطعم ولوهلة حسينا إننا جوه حكاية من حكايات ألف ليلة وليلة من الديكورات والجو العام هناك، ما علينا ندخل بقى في المفيد
طلبنا أول حاجة بوكس بروستد 21 قطعة واخترناه سبايسي عشان بنحب الحرّاق، الفراخ طعمها كان جميل وقرمشتها تسمعها وانت على باب المطعم، أما التتبيلة فكانت أروع حاجة فيها، والبوكس ده كان بـ340 جنيه
دخلنا على الساندوتشات وجرّبنا منها نوعين: “ذا كينج” وده كان فرايد تشيكن عليها تركي وصوص جبنة وخس وخيار مخلل، طعمه كان مميز جدًا وصوص الجبنة كان تقريبًا من أحلى الصوصات اللي جرّبناها في حياتنا وسعره 47 جنيه، أما التاني كان ساندوتش “سكار”، فرايد تشيكن سبايسي مع صوابع الموتزاريلا وشرايح الهالبينو، بس نصيحة لو ملكش في الحرّاق يبقى ابعد عنه، غير كده فانت تُعتبر اخترت أجمد ساندوتش وبـ52 جنيه
من الآخر كده المطعم ده عنده كل أنواع الأكل من أول البرجر والفرايد تشيكن لحد الكريبات والمشاوي وسندوتشات ال لونج اللي مليانه فرايد تشكن وفاهيتا، واحنا بنقوللكم أهو إن بكرة في الافتتاح هتحصل عظمة هناك، ومش بعيد تلاقي الهرم كلها في المطعم!

عنوان مطعم شهريار
شارع 102 – محور اللبيني – بجوار التوحيد والنور – الهرم

رقم تليفون دليفري مطعم شهريار
15507 – 01157888221

صور و منيو مطعم شهريار
خروجات حوزو
وسم :

اترك تعليقاً

لن يتم نشر عنوان بريدك الإلكتروني.